16 сентября 2025

Кіраўніцтва раёна павіншавала жыхароў Глыбоччыны з Днём народнага адзінства

Паважаныя жыхары Глыбоччыны!

Сёння ўся наша краіна адзначае адно з найважнейшых дзяржаўных святаў – Дзень народнага адзінства.

Гэты дзень вяртае нас да гістарычнай даты 17 верасня 1939 года, калі быў пакладзены пачатак уз’яднанню Усходняй і Заходняй Беларусі, магчымасці развівацца ў межах адной рэспублікі. Таму 17 верасня па праву называюць пунктам адліку новай гісторыі адзінага беларускага народа.

Як сведчыць гісторыя, наша сіла ў адзінстве, грамадзянскай салідарнасці, патрыятызме, гатоўнасці аддаваць свае сілы, веды і талент у імя далейшага развіцця Беларусі. Усіх нас аб’ядноўвае адказнасць за лёс краіны, за захаванне традыцый і духоўных каштоўнасцей.

Сённяшняя знамянальная дата заклікана аб’яднаць усе пакаленні беларусаў. Дык няхай 17 верасня стане для кожнага з нас асаблівым днём усведамлення асабістага дачынення да ўмацавання адзінства беларускага народа. Бо толькі сумеснымі намаганнямі і з’яднаўшыся мы зберажом мір і дабрабыт на нашай зямлі.

Сёння наша краіна упэўнена глядзіць у будучыню, мы разам гатовыя супрацьстаяць любым выклікам і сваёй стваральнай працай зрабіць усё, каб Рэспубліка Беларусь заставалася паспяховай і незалежнай дзяржавай.

Шчыра віншуем усіх са святам! Моцнага вам здароўя, мірнага неба над галавой і поспехаў ва ўсіх справах і пачынаннях на карысць нашай Радзімы!

З Днём народнага адзінства!

Пётр Бялусь, старшыня Глыбоцкага раённага выканаўчага камітэта

Вера Цяліца, старшыня Глыбоцкага раённага Савета дэпутатаў