29 августа 2025

Кіраўніцтва раёна павіншавала жыхароў Глыбоччыны з Днём ведаў

Дарагія настаўнікі, вучні і бацькі!

Ад імя Глыбоцкага раённага выканаўчага камітэта, раённага Савета дэпутатаў прыміце шчырыя віншаванні са святам – Днём ведаў!

Першага верасня – гэта заўсёды асаблівы дзень у жыцці кожнага з нас. Для першакласнікаў ён адчыняе дзверы ў захапляльны свет ведаў, для старшакласнікаў – становіцца апошнім акордам перад важным выбарам жыццёвага шляху, а для ўсіх астатніх – сімвалам новых магчымасцей і дасягненняў.

Гэтае свята аб'ядноўвае і педагогаў, і навучэнцаў, і іх бацькоў у адзіным імкненні да ведаў, развіцця і ўдасканалення.

Кожны навучальны год прыносіць новыя адкрыцці, дасягненні і перамогі. Няхай і гэты год стане для ўсіх нас часам яркіх здзяйсненняў і цікавых праектаў, а школьнае жыццё будзе напоўнена радасцю адкрыццяў, цёплымі сустрэчамі і добрымі справамі.

Жадаем усім моцнага здароўя, энергіі і дабрабыту.

Са святам!

Пётр Бялусь, старшыня Глыбоцкага раённага выканаўчага камітэта

Вера Цяліца, старшыня Глыбоцкага раённага Савета дэпутатаў