30 апреля 2025

Кіраўніцтва раёна павіншавала жыхароў Глыбоцкага раёна са святам

Ад імя Глыбоцкага раённага выканаўчага камітэта, раённага Савета дэпутатаў прыміце самыя цёплыя і шчырыя віншаванні са святам Вясны і Працы – Першамаем.

Паважаныя жыхары Глыбоцкага раёна!

Гэтае светлае і радаснае свята па праве лічыцца ўсенародным і любімым усімі пакаленнямі беларусаў, з’яўляецца нязменным сімвалам яднання і салідарнасці, выразам глыбокай павагі да стваральнай працы.

Будучыня краіны і роднай Глыбоччыны залежыць ад штодзённай руплівай працы кожнага з нас – рабочага, селяніна, настаўніка, урача, служачага. Вашымі ўмелымі рукамі, здольнасцю і талентам ствараюцца нацыянальнае багацце, дастойнае і забяспечанае жыццё кожнай сям’і, закладваецца дабрабыт нашчадкаў, забяспечваецца будаўніцтва моцнай і квітнеючай Беларусі – нашага агульнага дома.

Дарагія землякі! Ад усяго сэрца жадаем вам моцнага здароўя, поспехаў ва ўсіх справах і пачынаннях. Няхай гэтыя святочныя дні напоўняцца радасцю сустрэч з сябрамі і блізкімі, дадуць новы зарад бадзёрасці і аптымізму! Міру, дабра, дабрабыту вам, вашым родным і блізкім!

З павагай,

Глыбоцкі раённы выканаўчы камітэт

Глыбоцкі раённы Савет дэпутатаў