23 февраля 2026

Кіраўніцтва раёна павіншавала жыхароў раёна са святам

Паважаныя жыхары раёна, дарагія абаронцы Айчыны!

Ад імя Глыбоцкага райвыканкама і раённага Савета дэпутатаў прыміце шчырыя віншаванні з Днём абаронцаў Айчыны і Узброеных Сіл Рэспублікі Беларусь!

23 лютага – гэта свята моцных духам людзей, сапраўдных патрыётаў сваёй Радзімы, якія працуюць на карысць краіны, якія жывуць яе інтарэсамі, гатовых да рашучых дзеянняў у імя яе дабрабыту.

У гэты дзень мы з гонарам успамінаем ратныя подзвігі суайчыннікаў, аддаём даніну павагі ветэранам Вялікай Айчыннай вайны, удзельнікам баявых дзеянняў і міратворчых аперацый, ушаноўваем вайскоўцаў, якія абараняюць межы роднай краіны, і тых, хто клапоціцца пра свае сем’і, уносіць уклад у сённяшняе і закладвае надзейны падмурак будучыні.

У гэты цудоўны дзень ад душы жадаем дабра, шчасця, згоды і дабрабыту кожнай сям’і. Здароўя і даўгалецця ветэранам Узброеных Сіл, паспяховай службы салдатам і афіцэрам. Няхай гэтае свята адважных і мужных людзей заўсёды будзе мірным і радасным!

Пётр Бялусь, старшыня Глыбоцкага раённага выканаўчага камітэта.

Вера Цяліца, старшыня Глыбоцкага раённага Савета дэпутатаў.