30 сентября 2025

Кіраўніцтва раёна павіншавала жыхароў старэйшага пакалення, ветэранаў вайны і працы Глыбоччыны са святам

Паважаныя жыхары старэйшага пакалення, ветэраны вайны і працы Глыбоччыны!

Ад імя кіраўніцтва раёна прыміце самыя шчырыя віншаванні з Днём пажылых людзей!

Дзень пажылых людзей – сімвал адзінства і пераемнасці пакаленняў. Ён увасабляе мудрасць і дабрыню, жыццёвы вопыт і стойкасць.

Паважаныя сябры! У гэты дзень мы ўшаноўваем вас – прадстаўнікоў старэйшага пакалення. Мы аддаём даніну павагі ўсім тым, хто на працягу жыцця дорыць нам клопат, цеплыню і любоў – нашым бацькам, бабулям і дзядулям.

Мы дзякуем вам за цярпенне, сардэчнасць, уменне даць мудры савет, падставіць плячо ў цяжкую хвіліну. Вашы веды, мудрасць, жыццёвы і прафесійны вопыт бясцэнныя. Перадаючы іх маладому пакаленню, вы і сёння ўносіце важкі ўклад у развіццё і росквіт нашай краіны. Вы былі, ёсць і будзеце захавальнікамі маральных каштоўнасцяў і традыцый нашага народа.

Ад усёй душы жадаем вам моцнага здароўя, нязгаснай цікавасці да жыцця, сямейнага цяпла і дабрабыту. Няхай заўсёды побач з вамі будуць клапатлівыя дзеці, унукі і сябры!

Пётр Бялусь, старшыня Глыбоцкага раённага выканаўчага камітэта.

Вера Цяліца, старшыня Глыбоцкага раённага Савета дэпутатаў.