20 октября 2023

Кіраўніцтва раёна павіншавала мужчын-бацькоў са святам!

Ад імя Глыбоцкага раённага выканаўчага камітэта, раённага Савета дэпутатаў прыміце самыя цёплыя, шчырыя віншаванні з цудоўным святам – Днём бацькі!

Паважаныя мужчыны-бацькі!

Гэтае свята атрымала афіцыйны статут зусім нядаўна. 9 чэрвеня 2022 года Прэзідэнт Рэспублікі Беларусь А.Р.Лукашэнка падпісаў Указ аб яго заснаванні.

Быць бацькам – гэта адказная і ганаровая місія ў жыцці мужчыны. Бацька ўласным прыкладам выхоўвае ў дзяцей пачуццё адказнасці, гонару, клопату аб блізкіх, з’яўляецца падмуркам сям’і. Ён разам з мамай аказвае вялікі ўплыў на жыццё дзіцяці.

Дарагія мужчыны-бацькі! Сярод вас нямала тых, хто з’яўляецца годным прыкладам адказнага стаўлення да бацькоўства, калі галава сям’і не толькі яе апора, карміцель, але яшчэ і абаронца, сябар і настаўнік для сваіх дзяцей. Асаблівай павагі заслугоўваюць шматдзетныя бацькі і тыя, хто выхоўвае дзяцей паасобку.

Жадаем вам моцнага здароўя, шчасця і дабрабыту. Няхай у вас заўсёды будзе нагода для гонару за сваіх дзяцей, а ў іх – імкненне прытрымлівацца вашага годнага прыкладу!

З павагай,

Глыбоцкі раённы выканаўчы камітэт,

Глыбоцкі раённы Савет дэпутатаў.