31 августа 2023

Кіраўніцтва раёна павіншавала педагогаў, навучэнцаў і бацькоў з Днём ведаў

Ад імя Глыбоцкага раённага выканаўчага камітэта, раённага Савета дэпутатаў прыміце шчырыя віншаванні са святам – Днём ведаў!

Паважаныя педагогі! Дарагія навучэнцы, бацькі!

Першага верасня – гэта не толькі пачатак новага навучальнага года, а і ўсімі любімае свята, блізкае і дарагое кожнаму. Дзень ведаў аб'ядноўвае пакаленні, таму што мы ніколі не перастаем вучыцца.

Самым шчаслівым, цікавым і хвалюючым гэты дзень, вядома, будзе для першакласнікаў, ён стане для іх першай прыступкай у дарослае жыццё. Студэнты-першакурснікі зробяць крок насустрач будучай прафесіі.

Дзень ведаў – сімвал пачынанняў, перспектыў і новых магчымасцей. Для ўсіх нас гэтае свята напоўнена добрымі эмоцыямі, шчаслівымі ўспамінамі і радасным чаканнем.

У гэты цудоўны дзень мы выказваем словы вялікай падзякі настаўнікам за высакародную і карпатлівую працу, за высокі прафесіяналізм. Мы жадаем школьнікам і студэнтам у новым навучальным годзе поспехаў і дзіўных адкрыццяў, а бацькам – гонару за сваіх дзяцей. Няхай новы навучальны год ва ўсіх складваецца выдатна.

Са святам!

З павагай,

Глыбоцкі раённы выканаўчы камітэт

Глыбоцкі раённы Савет дэпутатаў