31 мая 2024

Кіраўніцтва раёна павіншавала работнікаў і ветэранаў меліярацыйнай галіны са святам

Паважаныя работнікі і ветэраны меліярацыйнай галіны!

Ад імя Глыбоцкага раённага выканаўчага камітэта, раённага Савета дэпутатаў прыміце шчырыя віншаванні з Днём меліяратара!

Утрыманне ў тэхнічна спраўным стане ўнікальных гідратэхнічных сістэм, каналаў, збудаванняў – паўсядзённая праца меліяратараў Глыбоччыны, якія заўсёды былі і застаюцца надзейнымі партнёрамі ў вырашэнні пытанняў, звязаных з павелічэннем сельскагаспадарчых угоддзяў і павышэннем іх прадуктыўнасці.

Дзякуючы вашым намаганням у севазварот вернуты многія забалочаныя землі, пабудаваны аб’екты сацыяльнай і вытворчай сферы на сяле. Ваш высокі прафесіяналізм, адказнае стаўленне да справы, працавітасць і цярпенне забяспечваюць устойлівасць сельгасвытворчасці і павышаюць інвестыцыйную прывабнасць аграпрамысловага комплексу нашага раёна.

Упэўнены, што, абапіраючыся на традыцыі папярэднікаў і ў спалучэнні з сучаснымі тэхналогіямі, вы і надалей будзеце ўносіць істотны ўклад у паспяховае развіццё сельскай гаспадаркі Глыбоччыны.

Паважаныя работнікі і ветэраны меліярацыйнай галіны! Дзякуем вам за самаадданую працу і адказныя адносіны да справы. Жадаем моцнага здароўя, міру, дабра, дабрабыту і рэалізацыі новых праектаў!

Глыбоцкі раённы выканаўчы камітэт,

Глыбоцкі раённы Савет дэпутатаў