Паважаныя работнікі і ветэраны сферы бытавога абслугоўвання насельніцтва і жыллёва-камунальнай гаспадаркі Глыбоцкага раёна! 

Прыміце шчырыя віншаванні з прафесійным святам!

Сфера бытавога абслугоўвання насельніцтва і жыллёва-камунальнай гаспадаркі з'яўляецца адной з самых важных для кожнага жыхара нашага раёна. Менавіта яна з'яўляецца паказчыкам паўсядзённага дабрабыту і якасці жыцця.

Гэта прафесійнае свята людзей, якія кожны дзень працуюць над тым, каб наш горад і раён былі месцам, дзе людзям жывецца ўтульна, светла, цёпла і радасна. Спадзяемся, што вы і далей будзеце паспяхова вырашаць задачы па аказанні неабходных жыхарам горада і раёна паслуг, рабіць сваю справу так, каб людзі заўсёды былі задаволеныя вашай працай.

Вялікі дзякуй усім, хто сваёй добрасумленнай працай забяспечвае цяпло, чысціню і ўтульнасць у нашых дамах і заўсёды прыходзіць на дапамогу ў вырашэнні любых камунальных праблем.

Вы ствараеце прыгажосць, дорыце людзям шчасце і ўсмешкі, робіце наша жыццё больш камфортным і радасным.

Ад усёй душы жадаем вам моцнага здароўя, поспехаў у працы, міру і дабра вашым сем'ям!

 

З павагай,

Старшыня Глыбоцкага раённага выканаўчага камітэта

Старшыня Глыбоцкага раённага Савета дэпутатаў