Паважаныя супрацоўнікі і ветэраны Глыбоцкага міжраённага аддзела Дзяржаўнага камітэта судовых экспертыз!

Ад імя Глыбоцкага раённага выканаўчага камітэта, раённага Савета дэпутатаў прыміце шчырыя віншаванні з прафесійным святам – Днём судовага эксперта!

Ваша праца ўнікальная, шматгранная і вельмі складаная. Прафесійны падыход да справы, глыбокія веды ў самых розных галінах навукі, каласальны набор уменняў і навыкаў, умелае выкарыстанне апошніх навуковых дасягненняў, сучаснай тэхнікі і спецабсталявання дазваляюць судовым экспертам сёння эфектыўна супрацьстаяць арганізаванай і тэхнічна ўзброенай злачыннасці.

Дзякуючы вам раскрываюцца самыя складаныя і заблытаныя справы. Практычна штодня вы праводзіце розныя экспертызы, якія дапамагаюць выявіць тых, хто парушае Закон, падманвае людзей, замахваецца на жыццё і здароўе грамадзян. Дзякуй вам за гэта і нізкі паклон.

Падзяку і ўдзячнасць за працу выказваем ветэранам. Ваша экспертная падрыхтоўка, вялікі вопыт і майстэрства, якімі вы ахвотна дзяліцеся з моладдзю, дазваляе годна працягваць традыцыі, закладзеныя старэйшымі пакаленнямі.

Паважаныя супрацоўнікі і ветэраны экспертнай службы! Жадаем вам шчасця і здароўя, поспехаў у службе і сямейнага дабрабыту, высокай ацэнкі вашай працы і заўсёды ўдалага завяршэння спраў.

З павагай,

Старшыня Глыбоцкага

раённага выканаўчага камітэта                        А.М.Шубскі

Старшыня Глыбоцкага

раённага Савета дэпутатаў                               В.М.Цяліца