18 ноября 2022

Кіраўніцтва раёна павіншавала ветэранаў і работнікаў сельскай гаспадаркі і перапрацоўчай прамысловасці з прафесійым святам

Паважаныя ветэраны і работнікі сельскай гаспадаркі і перапрацоўчай прамысловасці!

Прыміце шчырыя віншаванні з прафесійным святам! Выбар вызначае лёс чалавека. Вашым прызваннем стала нялёгкая і высакародная праца на зямлі і перапрацоўка сельскагаспадарчай прадукцыі.

Для таго, каб дасягнуць высокіх вынікаў, вы працуеце з самага ранку і да позняга вечара. Ваша самаадданая праца, шчырая любоў да сваёй справы, прымяненне перадавых навуковых распрацовак спрыяюць дынамічнаму развіццю галіны і дазваляюць дасягаць высокіх ураджаяў і выпускаць канкурэнтаздольную прадукцыю. Вы ўносіце значны ўклад у развіццё сацыяльна-эканамічнага патэнцыялу краіны і раёна.

Дзякуй вам за вашу працавітасць, добрасумленнасць, і за тое, што нягледзячы на складаныя ўмовы, у якіх вам даводзіцца працаваць, вы працягваеце быць прыкладам вернасці і адданасці сваёй справе.

Асаблівыя словы ўдзячнасці і нізкі паклон ветэранам сельскай гаспадаркі і перапрацоўчай прамысловасці, якія ўсё сваё жыццё прысвяцілі напружанай працы, а зараз дапамагаюць выхоўваць падрастаючае пакаленне.

Ад усёй душы жадаем работнікам аграпрамысловага комплексу высокіх паказчыкаў у працы, выканання намечаных планаў, упэўненасці ў заўтрашнім дні, а таксама здароўя, шчасця і дабрабыту вам і вашым блізкім.

З павагай

Глыбоцкі раённы выканаўчы камітэт

Глыбоцкі раённы Савет дэпутатаў