23 февраля 2024

Кіраўніцтва раёна павіншавала жыхароў Глыбоччыны з Днём абаронцаў Айчыны і Узброеных Сіл Рэспублікі Беларусь

Ад імя Глыбоцкага раённага выканаўчага камітэта, раённага Савета дэпутатаў прыміце шчырыя віншаванні з Днём абаронцаў Айчыны і Узброеных Сіл Рэспублікі Беларусь!

Паважаныя жыхары Глыбоччыны!

Патрыятызм, мужнасць, служэнне Радзіме заўсёды былі і застаюцца вечнымі каштоўнасцямі нашага народа.

У гэты важны для многіх пакаленняў беларусаў дзень мы віншуем не толькі тых, для каго служба стала прызваннем, але і ўсіх, хто штодзённай працай даказвае любоў да Радзімы, памятае і шануе подзвігі ўсіх пакаленняў абаронцаў нашай краіны. Тых, за чыёй надзейнай спіной мы адчуваем спакой і бяспеку, упэўненасць у заўтрашнім дні – бацькоў, братоў, мужоў і сыноў. Кожны глыбачанін, незалежна ад таго, ці знаходзіцца ён на баявым пасту ці займаецца мірнай справай, – перш за ўсё абаронца сваёй Айчыны, сваіх блізкіх.

І, вядома, з асаблівай падзякай мы сёння звяртаемся да ветэранаў, абяцаючы захоўваць памяць пра вялікі подзвіг нашых землякоў і перадаць яе нашым дзецям.

Жадаем моцнага здароўя, міру, дабрабыту і поспехаў у выкананні адказных задач на карысць Глыбоцкага раёна і Беларусі!

З павагай,

Глыбоцкі раённы выканаўчы камітэт

Глыбоцкі раённы Савет дэпутатаў