25 октября 2024

Кіраўніцтва Глыбоцкага раёна адрасавала віншаванне з Днём аўтамабіліста і дарожніка

Паважаныя вадзіцелі, работнікі і ветэраны аўтамабільнага транспарта і дарожнай гаспадаркі Глыбоцкага раёна!

Ад імя Глыбоцкага раённага выканаўчага камітэта, раённага Савета дэпутатаў шчыра віншуем з прафесійным святам – Днём аўтамабіліста і дарожніка!

Аўтатранспарт сёння з’яўляецца неад’емнай часткай нашага жыцця.Кожны дзень напружанай і адказнай працы вадзіцеляў аўтобусаў, легкавых, грузавых і спецыялізаваных аўтамабіляў, дыспетчараў, рамонтнікаў, дарожнікаў, інжынерна тэхнічных работнікаў і многіх іншых забяспечвае зладжаны рытм дзейнасці розных галін вытворчасці і ўносіць свой уклад у сацыяльна-эканамічнае развіццё нашага раёна, вобласці і ўсёй краіны.

Аўтамабілісты і дарожнікі існуюць у неразрыўным тэндэме і сваё прафесійнае свята яны адзначаюць у адзін дзень. Узгодненая работа гэтых службаў забяспечвае бесперабойную і надзейную работу ўсіх галін эканомікі і сацыяльнай сферы.

Усім аўтамабілістам і дарожнікам жадаем моцнага здароўя, бяспечнай і безаварыйнай работы, невычэрпнай энергіі, шчасця і дабрабыту, згоды ў сем’ях, поспехаў ва ўсіх справах.

Глыбоцкі раённы выканаўчы камітэт,

Глыбоцкі раённы Савет дэпутатаў.