21 октября 2024

Кіраўніцтва раёна накіравала віншаванні да Дня бацькі

 Паважаныя мужчыны, таты і дзядулі! Ад імя Глыбоцкага раённага выканаўчага камітэта, раённага Савета дэпутатаў шчыра віншуем вас з Днём бацькі!

Паважаныя мужчыны, таты і дзядулі!

 Ад імя Глыбоцкага раённага выканаўчага камітэта, раённага Савета дэпутатаў шчыра віншуем вас з Днём бацькі!

Свята, якое атрымала афіцыйны статус зусім нядаўна, ужо знайшло водгук у нашым грамадстве.

Дзень бацькі накіраваны на захаванне і ўмацаванне традыцыйных сямейных каштоўнасцяў, павышэнне значнасці абодвух бацькоў у выхаванні дзяцей, знак павагі і прызнання ролі бацькі ў сям’і.

Быць бацькам – не толькі радасць, але і вялікая адказнасць. Выхаванне дзіцяці, надзейнасць і ўпэўненасць у сям’і немагчымы без клапатлівага галавы сямейства, абавязак якога – быць апорай для блізкіх, добрым прыкладам для сваіх дзяцей, сябрам, памочнікам і настаўнікам. Асабісты мужчынскі прыклад паважлівага стаўлення да маці, бацькоўскай адказнасці – гарантыя выхавання дзяцей годнымі членамі грамадства.

У гэты дзень у нас з’явілася добрая магчымасць выказаць падзяку бацькам за іх мужнасць і надзейнасць, за неацэнны жыццёвы вопыт і мудрасць.

Асаблівай павагі заслугоўваюць шматдзетныя бацькі, і тыя, хто выхоўвае дзяцей самастойна.

Жадаем усім татам і дзядулям моцнага здароўя, поспехаў, дабрабыту і аптымізму. Няхай самай вялікай узнагародай для кожнага з вас стануць вашы шчаслівыя сем’і, любячыя і разумныя дзеці, клапатлівыя ўнукі!

З павагай,

Глыбоцкі раённы выканаўчы камітэт,

Глыбоцкі раённы Савет дэпутатаў.