14 марта 2023

Кіраўніцтва раёна павіншавала жыхароў Глыбоччыны з Днём Канстытуцыі Рэспублікі Беларусь

Ад кіраўніцтва раёна прыміце шчырыя віншаванні з дзяржаўным святам – Днём Канстытуцыі Рэспублікі Беларусь!

Паважаныя жыхары Глыбоччыны!

Ад кіраўніцтва раёна прыміце шчырыя віншаванні з дзяржаўным святам – Днём Канстытуцыі Рэспублікі Беларусь!

Дата 15 сакавіка займае асаблівае месца ў гістарычным летапісе краіны і яе святочным календары. У гэты дзень быў прыняты Асноўны Закон краіны – Канстытуцыя Рэспублікі Беларусь.

Канстытуцыя з’яўляецца ядром усёй прававой сістэмы і вызначае сэнс і змест іншых законаў. Будучы Асноўным Законам краіны, яна засяродзіла ў сабе багаты гістарычны вопыт і мудрасць папярэдніх пакаленняў, замацавала прававыя, палітычныя і ідэалагічныя асаблівасці дзяржавы і грамадства, дакладна вызначыла прыярытэты нацыянальнага развіцця. Канстытуцыя служыць надзейным арыенцірам дзяржаўнай палітыкі, накіраванай на стварэнне эфектыўнай эканомікі, забеспячэнне сацыяльнай абароны і дабрабыту насельніцтва, беражлівыя адносіны да традыцый і каштоўнасцяў беларускага народа.

Наша задача – шанаваць і захоўваць закладзеныя ў Канстытуцыі агульнанацыянальныя каштоўнасці, будаваць на іх аснове стабільную, прававую, дэмакратычную дзяржаву.

Жадаем усім жыхарам раёна новых здзяйсненняў, моцнага здароўя, шчасця, сямейнага дабрабыту і аптымізму. Няхай свята надасць сіл і ўпэўненасці ў дасягненні пастаўленых мэт на выгоду роднай Бацькаўшчыны.

З павагай,

Глыбоцкі раённы выканаўчы камітэт,

Глыбоцкі раённы Савет дэпутатаў.