14 марта 2022

Паважаныя жыхары Глыбоччыны!

Ад імя Глыбоцкага раённага выканаўчага камітэта, раённага Савета дэпутатаў сардэчна віншуем вас з адным з самых значных святаў нашай дзяржавы – Днём Канстытуцыі Рэспублікі Беларусь.

Канстытуцыя не толькі замацавала дзяржаўны суверэнітэт Беларусі, дэмакратычныя прынцыпы фарміравання ўлады і грамадства, але і вызначыла далейшае развіццё краіны, стала арыенцірам для правядзення сацыяльна-эканамічных пераўтварэнняў.

Мы ўсе хочам бачыць нашу краіну моцнай і квітнеючай, а Глыбоччыну – рэгіёнам, які дынамічна развіваецца, камфортным для пражывання людзей, спрыяльным для развіцця вытворчасці, бізнесу і прыцягнення інвестыцый, таму жыхары Глыбоччыны прынялі актыўны ўдзел у рэспубліканскім рэферэндуме па пытанні ўнясення змяненняў і дапаўненняў у Канстытуцыю Рэспублікі Беларусь.

Для кожнага з нас Канстытуцыя стала гарантам правоў і свабод. Яна з’яўляецца найважнейшым фактарам захавання ў грамадстве згоды і міру. Наша задача шанаваць і захоўваць закладзеныя ў ёй агульнанацыянальныя каштоўнасці, будаваць на іх аснове стабільную, прававую, дэмакратычную дзяржаву.

Ад усёй душы жадаем вам моцнага здароўя, шчасця, радасці і дабрабыту.

Са святам!

З павагай,

Старшыня Глыбоцкага раённага выканаўчага камітэта          А.М.Шубскі

Старшыня Глыбоцкага раённага Савета дэпутатаў                   В.М.Цяліца