2 апреля 2025

Віншаванне кіраўніцтва раёна з дзяржаўным святам – Днём яднання народаў Беларусі і Расіі

Паважаныя жыхары Глыбоцкага раёна! Прыміце віншаванні з дзяржаўным святам – Днём яднання народаў Беларусі і Расіі!

Народы Беларусі і Расіі радняць духоўныя традыцыі, імкненне да аб’яднання магчымасцей у мэтах сацыяльна-эканамічнага прагрэсу дзвюх краін, устойлівага развіцця і добрасуседства.

Саюзная дзяржава – яскравае сведчанне паспяховай рэалізацыі многіх сумесных праектаў, у тым ліку і рэгіянальных, дзякуючы якім паглыбляецца стратэгічнае ўзаемадзеянне дзвюх краін ва ўсіх напрамках.

У многіх беларусаў, як і ў многіх расіян, сваякі і сябры жывуць у саюзнай краіне. Тысячы расіян уладкоўваюць свой быт у Беларусі, у тым ліку і на Глыбоччыне, а для многіх нашых землякоў Расія стала другім домам.

Выказваем упэўненасць у тым, што саюзныя адносіны Беларусі і Расіі і надалей будуць умацоўвацца дзеля дабрабыту народаў дзвюх краін, а знакам нашага сяброўства заўсёды будзе агульнае свята.

Паважаныя жыхары Глыбоцкага раёна! Добрага вам здароўя, шчасця, дабрабыту. Няхай мацнее саюз Беларусі і Расіі, пабудаваны на сяброўстве, узаемным даверы і разуменні!

Глыбоцкі раённы выканаўчы камітэт.

Глыбоцкі раённы Савет дэпутатаў.