Маладосць – гэта цудоўная пара, час дзёрзкіх летуценняў, смелых ідэй, пошуку свайго шляху і першых сур’ёзных перамог. Вы – галоўная рухаючая сіла, надзея і будучыня нашай краіны.
Глыбоцкі раён па праве ганарыцца сваёй таленавітай, ініцыятыўнай і неабыякавай моладдзю. Вашы поспехі ў вучобе і працы, дасягненні ў спорце і творчасці, валанцёрскія ініцыятывы і жаданне рабіць родны край яшчэ лепшым натхняюць і надаюць цвёрдую ўпэўненасць у заўтрашнім дні. Менавіта вам, маладым і амбіцыйным, трэба прымнажаць славу нашай зямлі, беражліва захоўваць яе багатыя традыцыі і ўпэўнена вясці Глыбоччыну ў будучыню.
Няхай гады вучобы і студэнцтва стануць для вас надзейным стартам у дарослае самастойнае жыццё, часам сапраўдных сяброў і яркіх адкрыццяў. Не бойцеся браць на сябе адказнасць, стаўце перад сабой высокія мэты і смела ўвасабляйце іх у рэальнасць на карысць роднай Беларусі.
Жадаем вам невычэрпнай энергіі, моцнага здароўя, шчасця, верных сяброў і вялікага кахання! Няхай кожны дзень прыносіць новыя магчымасці, а ўсе намечаныя планы ўвасабляюцца ў жыццё!

Максім Бакураў, старшыня Глыбоцкага раённага выканаўчага камітэта.
Вера Цяліца, старшыня Глыбоцкага раённага Савета дэпутатаў.