Прафілактычнае мерапрыемства «П'янаму і пазбаўленаму правоў не месца на дарозе!» пройдзе з 9 па 12 жніўня на тэрыторыі Глыбоцкага раёна.

8 жніўня 2024

Накіравана яно на папярэджанне і своечасовае спыненне фактаў нецвярозага кіравання і кіравання транспартным сродкам без пасведчання кіроўцы.

Направлена яно на папярэджанне і своечасовае спыненне фактаў нецвярозага кіравання і кіравання транспартным сродкам без пасведчання кіроўцы.

У межах мерапрыемства нарады ДПС правядуць мэтавыя адпрацоўкі дарог і вуліц, нададуць увагу аб'ектам гандлю і ўстановам, якія працуюць у кругласутачным рэжыме. Калі вам стала дакладна вядома або ёсць падазрэнні аб спробах нецвярозага кіравання, паведаміце пра гэта па тэлефоне 102.

Дзяржаўтаінспекцыя нагадвае, што калі ў выдыханым паветры кіроўцы змяшчаецца да 0,8 праміле алкаголю, то яму пагражае штраф у памеры 100 базавых велічынь і пазбаўленне права кіравання транспартным сродкам тэрмінам на тры гады, калі больш за 0,8 або кіроўца адмаўляецца ад праходжання медыцынскага асведчання – 200 базавых велічынь і пазбаўленне на 5 гадоў. У выпадку паўторнага парушэння на працягу года, кіроўца будзе прыцягнуты да крымінальнай адказнасці з наступнай канфіскацыяй транспартнага сродку.

Акрамя таго, важна ведаць, што толькі наяўнасць пасведчання кіроўцы дае кіроўцу права кіравання транспартнымі сродкамі па дарогах Рэспублікі Беларусь. Атрымаць адпаведны дакумент грамадзяне могуць пасля праходжання курса тэарэтычнага і практычнага навучання навыкам кіравання і паспяховай здачы кваліфікацыйнага экзамену ў Дзяржаўтаінспекцыі.