Аб прафілактыцы траўматызму, супрацьпраўных паводзінаў сярод непаўналетніх

5 лютага 2024

Сумеснымі намаганнямі суб'ектаў прафілактыкі Глыбоцкага раёна, бацькоў, іншых зацікаўленых асоб у 2023 годзе ўдалося не дапусціць фактаў гібелі дзяцей ад знешніх прычын, здзяйснення непаўналетнімі, якія пражываюць на тэрыторыі рэгіёна, злачынстваў.

Нягледзячы на гэта, недапушчальна зніжэнне актыўнасці дзейнасці ўпаўнаважаных суб'ектаў у гэтым напрамку, пільнасці бацькоў, іншых зацікаўленых асоб за паводзінамі непаўналетніх, паколькі ў названы перыяд мелі месца неадзінкавыя факты траўміравання дзяцей, спробы суіцыду.

У 2023 годзе праваахоўнымі органамі таксама выяўлены факты здзяйснення на тэрыторыі Глыбоцкага раёна злачынстваў, звязаных са здзяйсненнем сексуальнага гвалту ў дачыненні да непаўналетніх.

Падлеткавы перыяд, як правіла, самы складаны ў жыцці непаўналетняга. У гэтым узросце ідзе актыўны пошук і вывучэнне ўсяго новага, у тым ліку забароненага, у сувязі з чым непаўналетняму неабходна дакладна ведаць свае правы, адказнасць і наступствы, якія могуць наступіць у выпадку здзяйснення неабдуманых, рызыкоўных учынкаў, якія часта таксама не адпавядаюць патрабаванням заканадаўства. З мэтай давядзення непаўналетнім інфармацыі прафілактычнай накіраванасці супрацоўнікі пракуратуры раёна на пастаяннай аснове выступаюць ва ўстановах адукацыі, сродках масавай інфармацыі. Пры гэтым, неабходным бачыцца пастаяннае тлумачэнне бацькамі сваім дзецям патрабаванняў правілаў бяспечных паводзін і ўзмацненне кантролю за іх выкананнем непаўналетнімі. Недапушчальным з'яўляецца таксама пакіданне дзяцей без кантролю паблізу водных і іншых патэнцыйна небяспечных аб'ектаў.

Актуальным застаецца пытанне прафілактыкі здзяйснення непаўналетнімі злачынстваў у сферы незаконнага абароту наркотыкаў. Штомесяц у Рэспубліцы Беларусь праваахоўнымі органамі ўзбуджаюцца крымінальныя справы па арт. 328 Крымінальнага кодэкса Рэспублікі Беларусь, звязаныя з незаконным збытам названых забароненых рэчываў, у тым ліку

коль у дачыненні да непаўналетніх, якія, як правіла, выступаюць у ролі «закладчыкаў».

Да прыкладу, у кастрычніку 2023 года ў горадзе Віцебску ў дачыненні да непаўналетняга, які раней пражываў на тэрыторыі Глыбоцкага раёна, узбуджана крымінальная справа па ч. 3 арт. 328 Крымінальнага кодэкса Рэспублікі Беларусь па факце захоўвання ім асабліва небяспечнага псіхатропнага рэчыва з мэтай збыту.

Кожны бацька проста абавязаны данесці да свайго дзіцяці, што калі падлетак здзейсніў дзеянні, звязаныя са збытам (распаўсюджваннем) наркатычных сродкаў, псіхатропных рэчываў, іх прэкурсораў і аналагаў, а таксама крадзяжом наркатычных сродкаў, адказнасць наступае з чатырнаццацігадовага ўзросту.

Здзяйсненне указаных дзеянняў нязменна цягне за сабой крымінальную адказнасць у выглядзе крымінальнага пакарання, аж да пазбаўлення волі.

Намеснік пракурора

Глыбоцкага раёна

Я.І. Сасноўскі