Аб правядзенні рэйдавых мерапрыемстваў на аб'ектах рэалізацыі сродкаў забеспячэння пажарнай бяспекі і пажаратушэння
18 ліпеня 2023
Глыбокскі РАНС нагадвае, што ТР ЕАЭС 043/2017 устанаўлівае абавязковыя для прымянення і выканання на тэрыторыях дзяржаў-членаў Еўразійскага эканамічнага саюза, у тым ліку Рэспублікі Беларусь патрабаванні да сродкаў забеспячэння пажарнай бяспекі і пажаратушэння (далей – прадукцыя), а таксама патрабаванні да маркіроўкі гэтых сродкаў для забеспячэння іх свабоднага перамяшчэння на тэрыторыях гэтых дзяржаў.
Работнікамі сектара нагляду і прафілактыкі Глыбокскага раённага аддзела па надзвычайных сітуацыях у першым паўгоддзі 2023 года праведзены рэйдавыя мерапрыемствы ў дачыненні да месцаў патэнцыйнай рэалізацыі сродкаў забеспячэння пажарнай бяспекі і пажаратушэння, якія з'яўляюцца аб'ектам рэгулявання Тэхнічнага рэгламенту Еўразійскага эканамічнага саюза «Аб патрабаваннях да сродкаў забеспячэння пажарнай бяспекі і пажаратушэння» (ТР ЕАЭС 043/2017) (далей – ТР ЕАЭС 043/2017) на наступных аб'ектах: будаўнічая крама «Лідар», ЧТУП «Лагенар», будаўнічая крама «Люкс» ЧТУП «Маркет Прадукт», Глыбокскі ўчастак УП «Віцебскае прадпрыемства супрацьпажарных работ» РГАА «БДПА». Пры правядзенні рэйдавых мерапрыемстваў правяраліся вогнетушыцелі, аўтаномныя пажарныя апавяшчальнікі, агнетрывалыя склады, якія рэалізуюцца на дадзеных аб'ектах. У ходзе правядзення мерапрыемстваў парушэнняў не выяўлена.
Глыбокскі РАНС нагадвае, што ТР ЕАЭС 043/2017 устанаўлівае абавязковыя для прымянення і выканання на тэрыторыях дзяржаў-членаў Еўразійскага эканамічнага саюза, у тым ліку Рэспублікі Беларусь патрабаванні да сродкаў забеспячэння пажарнай бяспекі і пажаратушэння (далей – прадукцыя), а таксама патрабаванні да маркіроўкі гэтых сродкаў для забеспячэння іх свабоднага перамяшчэння на тэрыторыях гэтых дзяржаў.
Згодна з пунктам 88 ТР ЕАЭС 043/2017 на прадукцыю павінна наносіцца маркіроўка, якая змяшчае інфармацыю аб найменні, тыпе (відзе), марцы, мадэлі, прызначэнні, асноўных тэхнічных параметрах і характарыстыках, таварны знак і (або) найменне
вытворцы, а таксама аб краіне-вытворцы.Такая маркіроўка павінна быць нанесена на рускай і (або) беларускай мове. Калі маркіроўку немагчыма нанесці непасрэдна на прадукцыю, то маркіроўка павінна быць нанесена на ўпакоўку і ўнесена ў тэхнічную дакументацыю (пашпарт, кіраўніцтва па эксплуатацыі і г.п.), якая пастаўляецца з прадукцыяй.
Прадукцыя, указаная ў дадатку да ТР ЕАЭС 043/2017, падлягае абавязковаму пацвярджэнню адпаведнасці патрабаванням гэтага рэгламенту
у форме сертыфікацыі або дэкларавання (формы пацвярджэння таксама пазначаны ў дадатку да ТР ЕАЭС 043/2017).
Пакупнік мае права запатрабаваць у прадаўца ўсе вышэйпералічаныя дакументы.
Сектар нагляду і прафілактыкі Глыбоцкага РАНС