Аб стане законнасці і правапарадку на тэрыторыі раёна за першае паўгоддзе 2019 г.

11 чэрвеня 2020

Пракуратурай Глыбоцкага раёна прааналізаваны стан законнасці і правапарадку на тэрыторыі раёна за першае паўгоддзе 2019 г.

Прынятыя меры, накіраваныя на каардынацыю работы праваахоўных органаў, суб'ектаў прафілактыкі па абароне канстытуцыйных правоў і свабод грамадзян, грамадскіх і дзяржаўных інтарэсаў, дазволілі дабіцца пазітыўных вынікаў па шэрагу напрамкаў дзейнасці.

На тэрыторыі раёна зарэгістравана 97 злачынстваў, што на 21,8% менш, чым у першым паўгоддзі 2018 года (124). Узровень злачыннасці на 10 тыс. насельніцтва склаў 26,4 злачынства (па вобласці – 42,4). Колькасць цяжкіх і асабліва цяжкіх злачынстваў скарацілася з 20 да 6. Удзельная вага злачынстваў, учыненых асобамі, якія маюць судзімасць, склала 27,5% (па вобласці – 36,2%). Колькасць злачынстваў у грамадскіх месцах паменшылася з 17 да 14. Скарацілася колькасць крадзяжоў з 55 да 48. Не зарэгістравана такіх злачынстваў, як наўмыснае прычыненне цяжкіх цялесных пашкоджанняў (6 мес. 2018 г. – 3). Здзейснена 1 наўмыснае забойства (1).

У той жа час, маецца шэраг негатыўных тэндэнцый, якія патрабуюць неадкладнага прыняцця адпаведных арганізацыйных і прафілактычных мерапрыемстваў.

Аналіз паказвае, што адной з прычын надзвычайных сітуацый, парушэнняў працоўнай дысцыпліны, вытворчага траўматызму і дарожна-транспартных здарэнняў з'яўляецца алкагольнае ап'янэнне.

За паўгоддзе ў раёне выяўлена 68 фактаў кіравання транспартнымі сродкамі ў стане алкагольнага ап'янэння (паўгоддзе 2018 г. – 55), з якіх 7 – кіроўцы транспартных сродкаў, якія належаць юрыдычным асобам.

Так, у сакавіку бягучага года трактарыст-машыніст ААТ «Залатая падкоўка» П. у стане алкагольнага ап'янэння выконваў работы на давераным яму шасі пагрузчыку шматфункцыянальным «Амкадор 332С-01» па ўборцы смецця ад будынка цялятніка на тэрыторыі малочнатаварнай фермы «Бабічы». Дапусціў злачынную неасцярожнасць, у выніку чаго была смяротна траўміравана брыгадзір вытворчай брыгады ў жывёлагадоўлі. П. асуджаны да пазбаўлення волі.

Факты кіравання службовымі

транспартнымі сродкамі ўстанаўліваліся і з боку кіраўнікоў. Так, у пачатку 2019 года прыцягнуты да адміністрацыйнай адказнасці кіраўнік адной з сельгаспрадпрыемстваў раёна за кіраванне транспартным сродкам у стане алкагольнага ап'янення.

Фармальнае стаўленне кіраўнікоў прадпрыемстваў і арганізацый да забеспячэння належнай працоўнай дысцыпліны ў узначаленых калектывах, здзяйсненне самімі правапарушэнняў з'яўляецца недапушчальным, паколькі супярэчыць патрабаванням Дырэктывы Прэзідэнта Рэспублікі Беларусь №1 ад 11.03.2004 «Аб мерах па ўмацаванні грамадскай бяспекі і дысцыпліны», працоўнага заканадаўства і наўпрост спрыяе здзяйсненню правапарушэнняў, а таксама можа з'явіцца прычынай няшчасных выпадкаў і рознага роду здарэнняў.

Актуальнымі з'яўляюцца пытанні забеспячэння захаванасці ўласнасці. Не ва ўсіх арганізацыях скасаваныя факты бязгаспадарнасці і неадказвасці.

Напрыклад, у выніку непрыняцця мер па захаванасці маёмасці, у сакавіку 2019 неўстаноўленая асоба пракралася ў будынак адкуль выкрала ўсталяваныя ў пакоях драўляныя палотны дзвярэй, якія належаць ААТ «Глыбоцкі камбікормавы завод», прычыніўшы шкоду на суму 3971,94 руб.

Таксама, у зімовы перыяд бягучага года неўстаноўленая асоба шляхам свабоднага доступу з паўпрычэпа-цэментавоза, які знаходзіцца на тэрыторыі ДКУСП «Глыбоцкая ПМК-48» выкрала рухавік, прычыніўшы шкоду прадпрыемству на суму 3109,30 руб.

Шматлікія парушэнні заканадаўства аб захаванасці ўласнасці выяўляліся пры правядзенні пракуратурай раёна правярак на сельскагаспадарчых аб'ектах арганізацый АПК раёна.

Асноўнымі прычынамі і умовамі, якія спрыялі здзяйсненню крадзяжоў, з'яўляюцца бестурботнае стаўленне ўладальнікаў да захаванасці ўласнай маёмасці, у тым ліку: ненадзейная тэхнічная узмацненне дамоў і пабудоў, адсутнасць надзейных замыкаючых прылад на уваходных дзвярах і металічных рашотак на вокнах, пакіданне маёмасці на адкрытых пляцоўках без нагляду, наяўнасць свабоднага доступу старонніх у падвальныя памяшканні і пад'езды шматкватэрных жылых дамоў.

Таксама, з мэтай забеспячэння грамадскай бяспекі неабходна прыняцце належных мер да выключэння несанкцыянаванага доступу грамадзян у невыкарыстоўваныя і неэксплуатаваныя будынкі, збудаванні і аб'екты.

На тэрыторыі раёна маюцца невыкарыстоўваныя і неэксплуатаваныя будынкі, у якія ёсць доступ старонніх асоб, у тым ліку

непаўналетніх (будынак агародніны ІУ «Папраўчая калонія №13», станцыя ачысткі сцёкавых вод, размешчаная ў в.Галубічы, будынак кафэ «Магнолія» у г.п. Падсвілле і інш.). Вышэйназванае можа пацягнуць траўмаванне, гібель грамадзян, здзяйсненне супрацьпраўных дзеянняў і іншыя цяжкія наступствы.

У мэтах забеспячэння грамадскай бяспекі неабходна ўстанавіць усе патэнцыйна небяспечныя аб'екты, якія маюцца на тэрыторыі раёна, і забяспечыць бяспеку грамадзян, правесці паўторныя праверкі выканання патрабаванняў агульнай бяспекі пры эксплуатацыі шматкватэрных жылых дамоў.

Таксама, актуальнымі з'яўляюцца пытанні выканання сельскагаспадарчымі арганізацыямі раёна заканадаўства аб захаванасці ўласнасці, аб ахове працы, уліку прадметаў змазкі і паліва, а таксама аб выкананні арганізацыйна тэхналагічных патрабаванняў па закладцы кармоў у траншэі.

Пракурор Глыбоцкага раёна

старшы саветнік юстыцыі А.А.Козіч