Спынім палы разам

25 сакавіка 2022

Павелічэнне колькасці пажараў па прычыне выпальвання сухой расліннасці падштурхоўвае ратавальнікаў праводзіць узмоцненую прафілактычную працу з насельніцтвам.

Работнікі МНС арганізавалі рэйды па сельскіх населеных пунктах Абрубскага сельсавета з мэтай кантролю за пажаранебяспечнай абстаноўкай. Ратавальнікаў цікавіла наяўнасць сухой расліннасці, падтрыманне прыдамавой тэрыторыі ў пажарабяспечным стане, утрыманне супрацьпажарных разрываў.

З грамадзянамі, якія наводзілі парадак на ўчастках, праведзены гутаркі аб недапушчальнасці выпальвання сухой расліннасці, а таксама мерах адказнасці за дадзенае парушэнне.

Акрамя гэтага, праведзены маніторынгі наяўнасці закінутых і аварыйных будынкаў на тэрыторыі наведаных сельсаветаў. Як правіла, каля падобных будынкаў часцей за ўсё і маецца сухая расліннасць. Адсутнасць уладальнікаў прыводзіць часцей за ўсё да таго, што за будынкам ніхто не наглядае. Інфармацыя аб падобных будынках будзе накіравана ў сельскія выканаўчыя камітэты, дзе будзе вырашацца лёс гэтых пабудоў.

МНС нагадвае, што выпальванне сухой расліннасці, пожніўных рэшткаў, травы катэгарычна забаронена. За парушэнне гэтых патрабаванняў прадугледжана адміністрацыйная адказнасць.