Адкрыты дыялог: моладзь Глыбоччыны сустрэлася з Валерыем Гіра, дырэктарам хлебазавода, дэпутатам Глыбоцкага раённага Савета дэпутатаў

У межах папулярнага моладзевага праекта «Маё пытанне дэпутату» адбылася сустрэча маладых работнікаў прадпрыемстваў, арганізацый і ўстаноў горада з Валерыем Гіра.

Галоўная мэта сустрэчы – наладзіць прамы кантакт паміж маладым пакаленнем і прадстаўнікамі ўлады.

Маладыя спецыялісты не саромеліся, задаючы Валерыю Аляксандравічу мноства пытанняў. Абмяркоўваліся як аспекты яго дэпутацкай дзейнасці, так і больш асабістыя тэмы, што дазволіла ўдзельнікам дыялогу лепш пазнаць свайго прадстаўніка ўлады не толькі як прафесіянала, але і як чалавека.

Для ўдзельнікаў сустрэчы была арганізавана экскурсія ў музей хлеба і на аглядную пляцоўку хлебапякарнага цэха, дзе маладыя людзі ўбачылі ўвесь працэс стварэння смачнага хлеба.

Завяршылася мерапрыемства прыемным акордам – дэгустацыяй свежай прадукцыі Глыбоцкага хлебазавода.