Падстаўся ці прапаў?

26 сакавіка 2026

Ратавальнікі штодня атрымліваюць званкі з паведамленнямі аб пажарах у экасістэмах – гэта лясныя і тарфяныя пажары, а таксама загаранні травы і хмызняку. Палы не прыносяць ніякай карысці, аднак дзясяткі людзей кожны год кідаюць запалку, каб пазбавіцца ад мінулагодняга сухастою. Выпальванне сухой травы толькі знішчае расліны, распыляючы карысныя для глебы мікраэлементы. На тэрыторыі Глыбоцкага раёна ў 2025 годзе адбылося 15 загаранняў у прыродных экасістэмах, у тым ліку 1 пажар лесу.

Даведка. З пачатку 2026 года на тэрыторыі Рэспублікі Беларусь адбылося 50 загаранняў лесу, 3 тарфяныя пажары і 806 загаранняў травы і хмызнякоў, загінула 2 чалавекі. Па Віцебскай вобласці адбылося 2 загаранні лесу і 22 загаранні травы і хмызнякоў.

Агонь на прысядзібным участку або проста паблізу пабудоў можа лёгка стаць прычынай узгарання і нанесці шкоду, а то і цалкам знішчыць пабудовы або прыпаркаваны недалёка транспарт. Разбушаваўшае полымя цяжка спыніць і пацярпець можа не толькі маёмасць, але і сам падпальшчык або выпадкова апынуўшыяся на месцы пажару грамадзяне. Работнікам МНС вядомы выпадкі не толькі калі на вачах вінаватых агонь перакідваўся на пабудовы, але і калі з-за палёў гінулі людзі.
Для таго, каб пазбегнуць бяды, неабходна выконваць наступныя рэкамендацыі:
•     ні ў якім выпадку не паліце траву. Акрамя таго, што гэта шкодна для раслін і жывёл, палы могуць быць небяспечныя і для чалавека. Не пакідайце палаючы агонь без нагляду. Старанна тушыце недакуркі і запалкі перад тым, як выкінуць іх;
•     калі вы заўважылі пажар – не праходзьце міма. Траву, якая пачынае гарэць, вы зможаце патушыць самастойна. Пры тушэнні падручнымі сродкамі можна збіваць полымя з кромкі пажару вязанкай прутоў або галінак лісцевых дрэў, альбо ж закідаць кромку пажару пяском;
•     патушыўшы пажар, не сыходзьце да таго часу, пакуль не пераканаецеся, што агонь не разгарыцца зноў;
•     калі ж вы разумееце, што самастойна патушыць полымя не ўдасца, неадкладна паведаміце аб тым, што здарылася, па тэлефоне 101 або 112 і паспрабуйце як мага хутчэй пакінуць месца пажару.
Спальваць смецце на сваім участку, вядома, можна, але пры гэтым неабходна выконваць элементарныя правілы бяспекі, каб простая ўборка ўчастка не ператварылася ў трагедыю. Рабіць гэта трэба толькі ў бязветранае надвор'е. Кастры лепш разводзіць удалечыні ад будынкаў, лесу ці саломяных пукаў. Калі нічога з пералічанага паблізу няма, вы гатовыя сачыць за агнём і пад рукой ёсць вогнетушыцель ці вядро з вадой, значыць, вы ўсё робіце правільна.
МНС нагадвае, што выпальванне сухой расліннасці, травы на корані, а таксама пустазелля і пасляўборачных рэшткаў цягне за сабой накладанне штрафу ў памеры ад 10 да 30 базавых велічынь.
ЗАБАРОНЕНА выпальваць сухую расліннасць!
ЗАБАРОНЕНА спальваць смецце пры моцных парывах ветру і з невыкананнем патрабаванняў пажарнай бяспекі!
ЗАБАРОНЕНА пакідаць кастры без нагляду!