Памятка для бацькоў да летніх канікул

5 чэрвеня 2026

На канікулах многія дзеці адправяцца ў госці да бабуль і дзядуляў, некаторыя застануцца дома, аднак у любым выпадку кожнаму з іх неабходна нагадаць асноўныя правілы бяспекі.

Такім чынам:

·                     Дзіця малодшага школьнага ўзросту павінна ведаць хатні адрас і нумар тэлефона. Навучыце яго карыстацца мабільным тэлефонам, каб пры неабходнасці яно магло патэлефанаваць у службы экстранай дапамогі, а таксама вам на працу. Побач з тэлефонам замацуйце ліст паперы з усімі неабходнымі нумарамі. Растлумачце дзіцяці, пры якіх абставінах імі можна скарыстацца.

·                     Растлумачце яму, што ў выпадку пажару неабходна выбягаць на вуліцу і клікаць на дапамогу, ні ў якім разе нельга хавацца.

·                     Запалкі і запальніцы захоўвайце ў недаступных для дзяцей месцах.

·                     Не дазваляйце свайму дзіцяці самастойна карыстацца газавымі і электрычнымі прыборамі, тапіць печы.

·                     Ні пад якім падставай не пакідайце без нагляду малалетніх дзяцей.

·                     Дайце дзіцяці нейкае заданне, даручэнне, адным словам, займіце яго, каб у вашу адсутнасць яно было занята карыснай і цікавай справай.

·                     Адпраўляючы дзяцей у вёску ці на дачу, яшчэ раз нагадаеце ім аб асноўных правілах бяспекі. Бо гульні з запалкамі на гарышчах, саломах, у сараях, падпальванне сухой травы, таполевага пуху – дастаткова частае «забаўка» дзяцей дашкольнага і малодшага школьнага ўзросту.

·                     Калі вы задумалі на дачы працяглае будаўніцтва ці рамонт, агарадзіце небяспечныя ўчасткі. Інструменты і матэрыялы прыбірайце ў недаступныя для дзяцей месцы, дастаючы іх па меры неабходнасці. Растлумачце дзецям, што гульні на будоўлі ці ў месцах, дзе вядзецца рамонт, небяспечныя.

·                     Нямала няшчасцяў здараецца на вадаёмах. Не адпускайце дзіцяці купацца аднаго, заўсёды кантралюйце сітуацыю. Не дазваляйце купацца больш за 10 хвілін, ныраць у незнаёмых месцах, дурэць на вадзе.

·                     Штодня нагадвайце свайму дзіцяці аб правілах дарожнага руху.

 

Вёска ці дача – гэта не толькі адпачынак, але і догляд за садам і агародам. Калі вы апрацавалі гародніну хімікатамі, то абавязкова засцеражыце тэрыторыю якім-небудзь агароджай і даступна патлумачце дзіцяці, што заходзіць туды строга забаронена, а тым больш зрываць і спрабаваць на смак. Прыбярыце лекі і хімічныя рэчывы, неабходныя для саду-агарода і для бытавых патрэб, у недаступныя для дзіцяці месцы.

Пазбаўцеся ад атрутных раслін на ўчастку, пакажыце і раскажыце дзіцяці, якія расліны і ягады нельга чапаць і тым больш іх есці.

Займаючыся гаспадарчымі справамі, не забывайце, што дзіця не павінна быць пакінутае само сабе, – вы павінны ведаць, дзе яно, з кім і з чым гуляе. Калі гаворка ідзе пра маленькіх дзяцей, тут парада адна – не пакідайце іх без нагляду нават на некалькі хвілін.

Немагчыма прадугледзець усе сітуацыі і даць парады на ўсе выпадкі жыцця. Але навучыць дзіцяці быць асцярожным можна і трэба. І ніхто не зможа зрабіць гэта лепш, чым бацькі. Бо менавіта вашы ўвага, любоў і клопат – самая надзейная абарона!

Памятайце! Дзеці бяруць прыклад з дарослых! Станьце прыкладам выканання правілаў бяспекі для свайго дзіцяці!