Пад асаблівым кантролем – маршруткі!

14 кастрычніка 2025

Дзяржаўтаінспекцыя з 14 па 22 кастрычніка правядзе прафілактычнае мерапрыемства па павышэнні бяспекі перавозак пасажыраў маршрутнымі мікрааўтобусамі ў рэгулярных міжгародніх і прыгарадных зносінах.

Асноўная мэта - прафілактыка парушэнняў, якія здзяйсняюцца кіроўцамі такога транспарту і службовымі асобамі перавозчыкаў.

Нарады ДПС па ўсёй краіне пракантралююць выкананне Правілаў дарожнага руху і перавозкі пасажыраў. Супрацоўнікі ДАІ нададуць увагу спыненню фактаў эксплуатацыі няспраўнага транспарту, перавышэння хуткасных абмежаванняў, правілаў манеўравання і абгону, праезду на забараняльны сігнал святлафора і перавозкі пасажыраў, не прышпіленых рамянямі бяспекі.

У выпадку выяўлення парушэнняў, звязаных з парадкам допуску кіроўцаў і няспраўнага транспарту да перавозкі пасажыраў, да кіраўнікоў суб'ектаў гаспадарання будуць прыменены меры адміністрацыйнага ўздзеяння.