ПАПЯРЭДЖАННЕ ДТЗ З УДЗЕЛАМ МОТАтранспарту

19 красавіка 2022

ОДАІ МАБ Глыбоцкага РАУС 21 красавіка 2022 года праводзіць прафілактычнае мерапрыемства па папярэджанні дарожна-транспартных здарэнняў з удзелам мотатранспарту.

Супрацоўнікі ОДАІ нагадваюць, што штогод у красавіку-маі завастраецца праблема траўматызму ўдзельнікаў дарожнага руху па віне кіроўцаў двухколавых механічных транспартных сродкаў. У студзені – сакавіку 2022 года на тэрыторыі Рэспублікі Беларусь з удзелам мотатранспарту здзейснена 3 дарожна-транспартныя здарэнні (далей ДТЗ), у якіх 3 чалавекі атрымалі траўмы, з іх адно ДТЗ здзейснена на тэрыторыі Віцебскай вобласці.

Хацелася б нагадаць, што кіраваць матацыклам неабходна ў моташлеме і не перавозіць пасажыраў без яго, рухацца з пастаянна ўключаным блізкім святлом фар. Абавязковая своечасовая рэгістрацыя транспартных сродкаў і праходжанне імі дзяржаўнага тэхнічнага агляду. Таксама недапушчальна садзіцца за руль матацыкла асобам, не маючы пасведчання кіроўцы, а таксама знаходзячыся ў стане алкагольнага ап'янэння.
Пры руху на двухколавым транспартным сродку заўсёды трэба ацэньваць дарожную сітуацыю і выконваць усе дзеянні, неабходныя для забеспячэння бяспекі: не перавышаць устаноўленую хуткасць і пазбягаць неабачлівага, рызыкоўнага выезду на паласу сустрэчнага руху. Бо менавіта ў такіх сітуацыях здараюцца самыя цяжкія па сваіх наступствах сутыкненні. У значнай ступені на цяжкасць наступстваў падобных ДТЗ уплывае адсутнасць навыкаў кіравання або кіраванне мотатранспартам у стане алкагольнага ап'янэння, элементарнае ігнараванне правілаў і невыкананне патрабаванняў аб выкарыстанні кіроўцамі і пасажырамі моташлемаў пры руху, а таксама перавозка пасажыраў звыш колькасці, прадугледжанай тэхнічнымі характарыстыкамі.

А.Г.Палілейка, старшы інспектар ДПС ОДАІ МАБ Глыбоцкага РАУС