Прафілактычнае мерапрыемства «Дом без пажару»
21 студзеня 2026
«Дом без пажару» – пад такой назвай у перыяд з 26 па 31 студзеня ў Глыбоцкім раёне будзе праводзіцца спецыяльнае прафілактычнае мерапрыемства МНС.
Мэта мерапрыемства – зніжэнне рызык узнікнення пажараў у жылым фондзе і гібелі людзей ад іх. Работнікі МНС правядуць абследаванне супрацьпажарнага стану як жылых дамоў, так і гаспадарчых пабудоў: лазняў, гаражоў, хлявоў, і раскажуць пра наступствы невыканання правілаў пажарнай бяспекі. Таксама спецыялісты нагадаюць аб недапушчальнасці пакідання малалетніх дзяцей без нагляду, аб небяспецы курэння і неабходнасці ўстаноўкі аўтаномных пажарных апавяшчальнікаў у жылых пакоях.
Акцэнт у праводзімай рабоце будзе зроблены на домаўладаннях і кватэрах грамадзян, найбольш схільных да рызыкі ўзнікнення пажараў.
Даведачна: Па стане на 20 студзеня 2026 года, у Віцебскай вобласці адбылося 84 пажары, на якіх загінула 12 чалавек. У 70% выпадкаў, умовамі, якія спрыялі гібелі людзей, стала курэнне і стан алкагольнага ап'янення.
Асноўнымі прычынамі ўзнікнення пажараў па-ранейшаму застаюцца: неасцярожнае абыходжанне з агнём, парушэнне правілаў эксплуатацыі пячнога ацяплення, цеплагенеруючых прылад, парушэнне правілаў эксплуатацыі электрасетак і электраабсталявання.
Небяспека курэння і алкаголю:
Ніколі не паліце ў ложку: Гэта смяротна небяспечна, асабліва калі вы ўжывалі алкаголь. У стане ап'янэння прытупляецца пачуццё небяспекі, і наступствы могуць быць незваротнымі.
Бяспечнае месца для курэння: Калі вы паліце, рабіце гэта ў спецыяльна адведзеных і бяспечных месцах, далей ад жылых зон і гаручых матэрыялаў.
Стараннае тушэнне: Заўсёды пераканайцеся, што цыгарэта ці запалкі цалкам патушаны.
Аўтаномны пажарны апавяшчальнік (АПА) – ваш галоўны абаронца
Выратаванне жыцця: Устаноўка аўтаномнага пажарнага апавяшчальніка – гэта самы эфектыўны спосаб засцерагчы сябе і сваю сям'ю. Гэты невялікі прыбор, коштам усяго некалькі рублёў, здольны ўчарговую апавясціць аб задымленні гучным гукам, даючы каштоўныя хвіліны для эвакуацыі.
Дастукацца да кожнага і патлумачыць важнасць захавання правілаў пажарнай бяспекі – асноватворныя задачы плануючага мерапрыемства.
Не праяўляйце бестурботнасці і неахайнасці ў пытаннях уласнай бяспекі. Беражыце сябе і сваіх блізкіх, а ў выпадку надзвычайнай сітуацыі тэлефануйце па нумары 101 або 112.