Прафілактычнае мерапрыемства «Дом без пажару»

12 сакавіка 2026

«Дом без пажару» – пад такой назвай у перыяд з 17 па 23 сакавіка ў Глыбоцкім раёне будзе праводзіцца спецыяльнае прафілактычнае мерапрыемства МНС.

«Дом без пажару» – пад такой назвай у перыяд з 17 па 23 сакавіка ў Глыбоцкім раёне будзе праводзіцца спецыяльнае прафілактычнае мерапрыемства МНС.
Мэта мерапрыемства – зніжэнне рызык узнікнення пажараў у жылым фондзе і гібелі людзей ад іх. Работнікі МНС правядуць абследаванне супрацьпажарнага стану як жылых дамоў, так і гаспадарчых пабудоў: лазняў, гаражоў, сараяў, і раскажуць пра наступствы невыканання правілаў пажарнай бяспекі. Таксама спецыялісты нагадаюць пра недапушчальнасць пакідання малалетніх дзяцей без нагляду, пра небяспеку курэння і неабходнасць устаноўкі аўтаномных пажарных апавяшчальнікаў у жылых пакоях.
Акцэнт у праводзімай рабоце будзе зроблены на домаўладання і кватэры грамадзян, найбольш схільных да рызыкі ўзнікнення пажараў.
Даведка: Па стане на 11 сакавіка 2026 года, у Віцебскай вобласці адбылося 233 пажары, на якіх загінула 39 чалавек. У Глыбоцкім раёне 14 пажараў, 5 загінулых.
У 70% выпадкаў, умовамі, якія спрыялі гібелі людзей, стала курэнне і стан алкагольнага ап'янэння.
Асноўнымі прычынамі ўзнікнення пажараў па-ранейшаму застаюцца: неасцярожнае абыходжанне з агнём, парушэнне правілаў эксплуатацыі печаў, цеплагенеруючых прылад, парушэнне правілаў эксплуатацыі электрасетак і электраабсталявання.
Дастукацца да кожнага і патлумачыць важнасць выканання правілаў пажарнай бяспекі – асноватворныя задачы плануючагася мерапрыемства.
Не праяўляйце бестурботнасці і недбайнасці ў пытаннях уласнай бяспекі. Беражыце сябе і сваіх блізкіх, а ў выпадку надзвычайнай сітуацыі, тэлефануйце па нумары 101 або 112.