Пракуратура нагадвае

28 лютага 2024

У Рэспубліцы Беларусь асаблівая ўвага надаецца пытанням барацьбы з карупцыяй, прафілактыцы ўсіх яе праяў.

У адпаведнасці з арт.5 Закона Рэспублікі Беларусь ад 15.07.2015 № 305-З «Аб барацьбе з карупцыяй» (далей – Закон) барацьба з карупцыяй ажыццяўляецца дзяржаўнымі органамі і іншымі арганізацыямі праз комплекснае прымяненне планавання і каардынацыі дзейнасці дзяржаўных органаў і іншых арганізацый па барацьбе з карупцыяй, а таксама ўстанаўленне абмежаванняў і спецыяльных патрабаванняў, накіраваных на забеспячэнне фінансавага кантролю ў дачыненні да дзяржаўных службовых і прыраўнаваных да іх асоб у мэтах прадухілення праяў карупцыі і іх выяўлення.

Адным з формаў забеспячэння фінансавага кантролю з'яўляецца ўстанаўленне абавязку для дзяржаўных службовых і прыраўнаваных да іх асоб штогадовага дэкларавання даходаў і маёмасці, парадак якога прадугледжаны главой 4 Закона.

Асноўнымі нарматыўнымі прававымі актамі, што рэгламентуюць парадак запаўнення, прыёму, праверкі і захоўвання дэкларацый аб даходах і маёмасці з'яўляюцца Інструкцыя аб парадку запаўнення фізічнымі асобамі дэкларацый аб даходах і маёмасці, зацверджаная пастановай Міністэрства па падатках і зборах Рэспублікі Беларусь ад 09.01.2008 №1, а таксама Палажэнне аб парадку праверкі і захоўвання дэкларацый аб даходах і маёмасці, зацверджанае пастановай Савета Міністраў Рэспублікі Беларусь ад 16.01.2016 №19.

З 01.03.2023 Закон дапоўнены арт.27-1 «Даходы і маёмасць, якія не падлягаюць абавязковаму дэклараванню», у якой змяшчаецца пералік даходаў і маёмасці, якія не падлягаюць адлюстраванню ў дэкларацыях. Напрыклад, да такіх адносяцца грашовыя сродкі, размешчаныя на рахунках, укладах (дэпазітах) у банках Рэспублікі Беларусь, аблігацыі і даходы па іх, лічбавыя знакі (токены), даходы, атрыманыя ў рамках бонусных, маркетынгавых, іншых аналагічных праграм, скідкі з цаны (тавары) тавараў (работ, паслуг), камерцыйныя пазыкі і інш.

Практыка пракурорскага нагляду паказвае, што асобамі, абавязанымі прадастаўляць дэкларацыі аб даходах і маёмасці, часта дапускаюцца парушэнні патрабаванняў вышэйназванага заканадаўства.

У прыватнасці, распаўсюджаны выпадкі неадлюстравання альбо няпоўнага адлюстравання ў дэкларацыях даходаў у выглядзе грашовых пераводаў, атрыманых з-за мяжы. Не заўсёды ўказваюцца звесткі аб страхавых выплатах ад падраздзяленняў «Белдзяржстрах», кароткатэрміновых (авердрафтах) і іншых пазыках.

Асобнымі службовымі асобамі ў дэкларацыях не ўказваецца маёмасць, якая падлягае дэклараванню, у прыватнасці, транспартныя сродкі. Застаюцца незапоўненымі дата альбо спосаб набыцця нерухомай маёмасці, транспартных сродкаў, указваюцца недакладныя звесткі аб іх кошце.

Маюць месца факты неўказання даходаў, атрыманых службовымі асобамі ў сферы ігральнага бізнесу, у прыватнасці, анлайн-казіно.

Відавочна, што парушэнні заканадаўства, якое рэгулюе пытанні дэкларавання даходаў і маёмасці, ствараюць перадумовы для карупцыйных праяў і супярэчаць дзяржаўнай палітыцы ў галіне прафілактыкі карупцыі. У сувязі з гэтым артыкулам 24.6 Кодэкса Рэспублікі Беларусь аб адміністрацыйных правапарушэннях устаноўлена адміністрацыйная адказнасць за парушэнне парадку дэкларавання даходаў і маёмасці.

У сувязі з выкладзеным, пракуратура раёна звяртае ўвагу асоб, якія абавязаны прадастаўляць дэкларацыі аб даходах і маёмасці, на неабходнасць няўхільнага выканання адпаведнага заканадаўства.

Намеснік пракурора

Глыбоцкага раёна

Я.І. Сасноўскі