Праведзены рэйды па месцах масавага адпачынку

13 ліпеня 2023

Супрацоўнікамі Глыбоцкага РАУС, сумесна з супрацоўнікамі МНС, ОСВОД, БРСМ і Глыбоцкім доследным лясгасам з выкарыстаннем беспілотнага лятальнага апарата праведзены рэйдавыя мерапрыемствы па азёрах г. Глыбокае і Глыбоцкага раёна.

Мэтай дадзеных мерапрыемстваў было спыненне адміністрацыйных правапарушэнняў, звязаных з ужываннем спіртных напояў, купаннем у забароненых месцах, знішчэннем альбо пашкоджаннем маёмасці, прадастаўленай для адпачынку, распальваннем вогнішчаў, а таксама пакіданнем дзетак без нагляду.

З адпачывальнікамі праведзена раз'ясняльная праца па папярэджанні няшчасных выпадкаў.

Дадзеныя мерапрыемствы ва ўзаемадзеянні з зацікаўленымі будуць працягнуты і, звяртаючыся да жыхароў нашага раёна, каб пазбегнуць няшчасных выпадкаў, страты блізкіх людзей, просьба не грэбаваць мерамі асабістай бяспекі на вадаёмах.

Начальнік аддзела аховы правапарадку

і прафілактыкі Глыбоцкага РАУС

С.В.Яшчэнка