Пётр Белусь падзякаваў за аказаны высокі давер узначаліць раён

19 жніўня 2025

Выступаючы на 17-й пазачарговай сесіі Глыбоцкага раённага Савета дэпутатаў 29 склікання, Пётр Белусь выказаў падзяку кіраўніцтву вобласці, дэпутатам за аказаны высокі давер узначаліць раён.

– Для мяне вялікі гонар быць старшынёй Глыбоцкага райвыканкама і атрымаць магчымасць працаваць на гэтай цудоўнай зямлі.

Наперадзе вялікая праца па развіцці інфраструктуры, паляпшэнні якасці жыцця, падтрымцы бізнесу і прадпрымальніцтва.

Толькі сумеснымі намаганнямі ўлады, дэпутатаў і неабыякавых людзей нам па плячы будуць усе пастаўленыя задачы, – сказаў Пётр Белусь.