Распускаючы кулакі, памятай пра наступствы!

22 верасня 2021

Пракуратурай Глыбоцкага раёна падтрымана дзяржаўнае абвінавачванне ў дачыненні да грамадзяніна Іванова А.А. (даныя зменены), які здзейсніў злачынства, прадугледжанае ч. 2 арт. 149 Крымінальнага кодэкса Рэспублікі Беларусь. Органамі крымінальнага пераследу Іваноў абвінавачваўся ва ўмышленным прычыненні менш цяжкага цялеснага пашкоджання, то-бок пашкоджання, не небяспечнага для жыцця і не пацягнуўшага наступстваў, прадугледжаных артыкулам 147 Крымінальнага кодэкса Рэспублікі Беларусь, але выклікаўшага працяглае засмучэнне здароўя на тэрмін да чатырох месяцаў, здзейсненага спосабам, які носіць характар катавання.

Абвінавачваны ў ходзе судовага пасяджэння віну прызнаў цалкам.

Судом Глыбоцкага раёна ў дачыненні да Іванова вынесены абвінаваўчы прыгавор. Мужчына прызнаны вінаватым у тым, што ён 13.04.2021 у перыяд часу з 17.30 да 19.20, знаходзячыся ў стане алкагольнага ап'янэння, у ходзе сваркі са сваёй знаёмай С. на глебе асабістых непрыемных адносін нанёс апошняй не менш за 18 удараў па розных частках цела. Указанае дзеянне здзейснена Івановым спосабам, які носіць характар катавання.

У выніку збіцця пацярпелай прычынены не небяспечныя для жыцця менш цяжкія цялесныя пашкоджанні – пераломы рэбраў, шматлікія драпіны, якія выклікалі засмучэнне здароўя С. на тэрмін не больш за чатыры месяцы.

Іванову судом раёна прызначана пакаранне ў выглядзе абмежавання волі на тэрмін 2 гады без накіравання ў папраўчую установу адкрытага тыпу. Прыгавор уступіў у законную сілу.

Распускаючы кулакі, варта памятаць пра наступствы!

22.09.2021

Ст. памочнік пракурора раёна

юрыст 1 класа Т.М. Каструхіна