Рэспубліканская акцыя МНС «Бяспечны новы год!»

14 снежня 2022

12 снежня ў Глыбоцкім раёне стартуе рэспубліканская акцыя «Бяспечны новы год!», прызначаная нагадаць аб неабходнасці выканання правіл бяспекі ў зімовы перыяд, папярэдзіць пажары і няшчасныя выпадкі з-за выкарыстання піратэхнічных вырабаў.

12 снежня ў Глыбоцкім раёне стартуе рэспубліканская акцыя «Бяспечны новы год!», прызначаная нагадаць аб неабходнасці выканання правіл бяспекі ў зімовы перыяд, папярэдзіць пажары і няшчасныя выпадкі з-за выкарыстання піратэхнічных вырабаў.

Каб у калядныя і святочныя дні адбылося як мага менш пажараў і няшчасных выпадкаў, ратавальнікі з 12 па 30 снежня правядуць акцыю «Бяспечны Новы год!».

Акцыя будзе праводзіцца ў 3 этапы. Першы стартуе 12 снежня і працягнецца да 16 снежня. Праводзіцца ён будзе з асобамі пажылога ўзросту на базе тэрытарыяльных цэнтраў сацыяльнага абслугоўвання насельніцтва, дамоў ветэранаў і інвалідаў, а таксама санаторыяў, у якіх адпачывае дадзеная катэгорыя насельніцтва.

З 19 па 23 снежня, на другім этапе, работнікі МНС правядуць мерапрыемствы з вучнямі школ на базе агульнаадукацыйных устаноў, устаноў пазашкольнай працы, інтэрнатаў, з бацькамі і іх дзецьмі ў тых сем'ях, дзе дзеці знаходзяцца ў сацыяльна небяспечным становішчы, у дзіцячых дамах і дамах сямейнага тыпу.

Завяршальны этап пачнецца перад самым Новым годам, з 26 па 30 снежня. Праходзіць ён будзе ў месцах продажу піратэхнічных вырабаў, дзіцячых установах аховы здароўя, на лядовых катку, у месцах з масавым знаходжаннем людзей.

У ходзе акцыі запланаваны конкурсы, забаўляльныя праграмы, лекцыі, дэманстрацыя фільмаў і ролікаў па АБЖ і многае іншае.

Прымаюць удзел у мерапрыемствах не толькі супрацоўнікі МНС, але і актывісты Беларускай маладзёжнай грамадскай арганізацыі ратавальнікаў-пажарных, а таксама студэнты і работнікі іншых зацікаўленых арганізацый валанцёраў, устаноў культуры і г.д.