Бацькоўскія сходы напярэдадні канікул

6 чэрвеня 2022

Напярэдадні летніх канікул работнікі Глыбоцкага райаддзела па надзвычайных сітуацыях наведалі агульнашкольныя бацькоўскія сходы.

Ратавальнікі расказалі бацькам пра небяспекі, з якімі часцей за ўсё сутыкаюцца школьнікі ў перыяд канікул. Асаблівую ўвагу ўдзелілі тэме пакідання дзяцей дома і на вуліцы без нагляду. Нагадалі татам і мамам аб выкананні правілаў пажарнай бяспекі, іх асабістай адказнасці, а таксама неабходнасці правядзення гутарак з дзецьмі аб бяспечных паводзінах паблізу вадаёмаў, будоўляў і закінутых будынкаў, чыгуначных шляхоў і аўтамабільных дарог.

Работнікі МНС нагадалі дарослым пра неабходнасць устаноўкі АПІ ў домаўладаннях, мабільны дадатак «Дапамога побач», пра яркі і карысны часопіс «Юны ратавальнік».

У завяршэнне выступленняў бацькам былі прадэманстраваны відэафільмы на тэму бяспечных паводзін падчас канікул, уручаны буклеты і памяткі супрацьпажарнай накіраванасці.

Паважаныя бацькі! Навучыце сваіх дзяцей правілам бяспекі і ўменням дзейнічаць у надзвычайных сітуацыях, выклікаць ратавальнікаў і дапамагаць людзям, якія трапілі ў бяду. Памятайце, зрабіць дзяцінства сваіх малышоў бяспечным – Ваша клопат.