Кіраўніцтва раёна павіншавала глыбачан з 20-годдзем з дня зацвярджэння герба і сцяга горада Глыбокае

20 студзеня 2026

Паважаныя жыхары горада Глыбокае!

 

Ад імя Глыбоцкага райвыканкама і раённага Савета дэпутатаў шчыра віншуем вас са знамянальнай датай – 20-годдзем з дня зацвярджэння герба і сцяга горада Глыбокае!

20 студзеня 2006 года Указам Прэзідэнта Рэспублікі Беларусь № 36 былі афіцыйна зацверджаны сімвалы нашага горада – герб і сцяг, якія сталі гонарам глыбачан і важнай часткай гісторыка-культурнай спадчыны рэгіёна. Гэтыя сімвалы адлюстроўваюць багатую гісторыю, духоўныя каштоўнасці, працавітасць і адзінства пакаленняў, якія беражліва захоўваюць памяць аб мінулым і ўпэўнена глядзяць у будучыню.

За дваццаць гадоў герб і сцяг Глыбокага сталі не толькі афіцыйнымі атрыбутамі гарадской ідэнтычнасці, але і аб'ядноўваючай пачаткам для ўсіх, хто тут жыве, працуе, выхоўвае дзяцей і ўносіць свой уклад у развіццё роднага краю.

Няхай гэтыя сімвалы і надалей натхняюць нас на добрыя справы, стварэнне і захаванне традыцый! Жадаем усім здароўя, дабрабыту і міру. Няхай Глыбокае квітнее, а яго герб і сцяг горда лунаюць над ім – як знак стабільнасці, годнасці і надзеі!

 

Пётр Белусь, старшыня Глыбоцкага раённага выканаўчага камітэта

Вера Целіца, старшыня Глыбоцкага раённага Савета дэпутатаў