З 22 па 30 сакавіка 2025 года ў Глыбоцкім раёне пройдзе рэспубліканская акцыя «За бяспеку разам»

19 сакавіка 2025

Адной з асноўных прычын узнікнення пажараў па-ранейшаму застаецца грэбаванне грамадзянамі правіламі пажарнай бяспекі па неасцярожнасці або па невядзенні, але вынік адзін.

З мэтай зніжэння рызык гібелі людзей ад знешніх прычын, у тым ліку пажараў, па прычыне невыканання грамадзянамі асноў бяспекі жыццядзейнасці і правілаў пажарнай бяспекі, а таксама павышэння інфармаванасці насельніцтва аб магчымасцях дзяржаўных арганізацый па аказанні паслуг (дапамогі) у сферы забеспячэння пажарнай бяспекі, умацавання правапарадку і папярэджання правапарушэнняў, здзейсненых грамадзянамі ў стане алкагольнага ап'янення, з 22 па 30 сакавіка 2025 года на тэрыторыі Глыбоцкага раёна пройдзе рэспубліканская акцыя «За бяспеку разам».

У прафілактычных мерапрыемствах прымуць удзел прадстаўнікі органаў унутраных спраў, працы і сацыяльнай абароны, адукацыі, сродкаў масавай інфармацыі, жыллёва-камунальнай гаспадаркі, аховы здароўя і энергетыкі, а таксама Беларускае добраахвотнае пажарнае таварыства.

Традыцыйна, у першую чаргу, суб'екты прафілактыкі нададуць увагу сем'ям, у якіх дзеці знаходзяцца ў сацыяльна небяспечным становішчы, адзінокім і адзінока пражываючым пажылым грамадзянам, інвалідам, грамадзянам, якія выкарыстоўваюць сваё жыллё для распіцця спіртных напояў, асобам, якія вядуць асацыяльны лад жыцця, ветэранам Вялікай Айчыннай вайны і іншым, найбольш сацыяльна ўразлівым катэгорыям грамадзян.

ВАЖНА: У рамках акцыі звярнуцца ў тэрытарыяльныя органы і падраздзяленні па надзвычайных сітуацыях для правядзення абследавання супрацьпажарнага стану свайго жылля можа любы жадаючы.

Даведкава. З пачатку года ў Глыбоцкім раёне зафіксавана 8 пажараў.