З 25 мая па 5 чэрвеня ў раёне пройдзе прафілактычная акцыя «Увага – дзеці!»

22 мая 2026

У гэты перыяд супрацоўнікам ДАІ рэкамендавана ўзмацніць кантроль за дарожнай абстаноўкай, а кіроўцам – праявіць павышаную пільнасць. Асаблівую ўвагу варта надаць правільнаму выкарыстанню святловых прыбораў: рух павінен ажыццяўляцца з уключаным блізкім святлом фар або дзённымі хадавымі агнямі. За невыкананне гэтага правіла прадугледжана адміністрацыйная адказнасць – папярэджанне або штраф да 3 базавых велічынь.
Аднак бяспека на дарогах залежыць не толькі ад кіроўцаў. Пешаходы – паўнапраўныя ўдзельнікі дарожнага руху, і іх дзеянні таксама павінны адпавядаць Правілам дарожнага руху. Бацькам важна своечасова правесці з дзецьмі гутарку аб правілах паводзін на вуліцы, растлумачыць, як распазнаць небяспечную сітуацыю і пазбегнуць няшчасных выпадкаў.
Памятайце: уважлівасць і ўзаемная павага на дарозе ратуюць жыцці!