Сяргей Зелянкевіч – камбайнер-тысячнік і лідар уборачнай кампаніі!

11 жніўня 2025

Наш зямляк, механізатар ААТ "Глыбоцкі малочнакансервавы камбінат" Сяргей Зелянкевіч, зноў прадэманстраваў найвышэйшы прафесіяналізм і працавітасць.

Працуючы на збожжаўборачным камбайне New Holland на палях сельгаспрадпрыемства "За Радзіму", ён паспяхова завяршыў уборку азімых рапсу, ячменю і пшаніцы на плошчы 537 гектараў. Па стане на раніцу 7 жніўня, Сяргей Зелянкевіч намалаціў уражлівыя 1006 тон збожжа і насення рапсу, стаўшы адным з першых камбайнераў-тысячнікаў у раёне ў гэтым сезоне.

Старшыня Глыбоцкай раённай арганізацыі прафсаюза работнікаў АПК Наталля Зеновіч, першы намеснік генеральнага дырэктара Глыбоцкага малочнакансервавага камбіната Іосіф Пачкоўскі і старшыня прафсаюзнага камітэта прадпрыемства Алена Панцялей павіншавалі камбайнера з высокім вынікам.

Сяргею Зелянкевічу былі ўручаны граматы, грашовыя прэміі і падарункі ад прафсаюзных арганізацый і кіраўніцтва камбіната.