Адбыўся семінар для актыву рэспубліканскага грамадскага аб'яднання «Белая Русь»

Дэлегатка Усебеларускага народнага сходу Таццяна Корнілавіч, галоўны спецыяліст аддзела адукацыі Глыбоцкага райвыканкама, прыняла ўдзел у рабоце семінара для актыву рэспубліканскага грамадскага аб'яднання "Белая Русь" у Нацыянальнай бібліятэцы, на якім былі разгледжаны пытанні інфармацыйнай, экалагічнай, навукова-тэхналагічнай бяспекі і электаральнага суверэнітэту Рэспублікі Беларусь.

У праграме семінара было прадугледжана наведванне індустрыяльнага парка "Вялікі Камень".

– Удзел у семінары стаў для мяне надзвычай важнай падзеяй. Асаблівую каштоўнасць мела абмеркаванне пытанняў патрыятычнага, экалагічнага выхавання і інфармацыйнай культуры навучэнцаў. У ходзе мерапрыемства мы, прадстаўнікі розных рэгіёнаў, прыйшлі да адзінага меркавання: правядзенне мерапрыемстваў такога фармату дазволіць выпрацаваць канкрэтныя механізмы процідзеяння выклікам лічбавай эпохі. Толькі аб'яднаўшы намаганні, мы зможам захаваць суверэнітэт для будучага пакалення.