Дзяржаўная маладзёжная палітыка
Дзяржаўная маладзёжная палітыка з'яўляецца складовай часткай дзяржаўнай палітыкі ў галіне сацыяльна-эканамічнага, культурнага і нацыянальнага развіцця Рэспублікі Беларусь і ўяўляе сабой цэласную сістэму мер прававога, арганізацыйна-кіраўніцкага, фінансава-эканамічнага, навуковага, інфармацыйнага, кадравага характару, накіраваных на стварэнне неабходных умоў для выбару маладымі грамадзянамі свайго жыццёвага шляху, для іх адказнага ўдзелу ў жыцці і развіцці беларускай дзяржавы і грамадства. Моладзь разглядаецца як сацыяльна-ўзроставая група насельніцтва ва ўзросце да 31 года.
Маладзёжная палітыка ў Глыбоцкім раёне рэалізуецца ў адпаведнасці з Канстытуцыяй Рэспублікі Беларусь, Законам Рэспублікі Беларусь ад 7 снежня 2009 г. № 65-З «Аб асновах дзяржаўнай маладзёжнай палітыкі», Дзяржаўнай праграмай "Беларусь інтэлектуальная" на 2026–2030 гады і іншымі нарматыўна-прававымі актамі па пытаннях рэалізацыі дзяржаўнай маладзёжнай палітыкі.
У Глыбоцкім раёне пражывае 4712 чалавек з ліку моладзі ва ўзросце ад 14 да 31 года.
У сацыяльна-дэмаграфічных адносінах моладзь Глыбоччыны ўяўляе сабой разнастайныя групы: навучэнцы ўстаноў адукацыі і прафесійнага ліцэя, супрацоўнікі сістэмы адукацыі і аховы здароўя, сельскагаспадарчай і прамысловай галіны, малога і сярэдняга бізнесу, узброеных сіл Рэспублікі Беларусь, праваахоўных органаў.
Структуры па рабоце з моладдзю
Міністэрства адукацыі Рэспублікі Беларусь
Упраўленне па справах моладзі
220010, г. Мінск, вул. Савецкая, 9
Віцебскі абласны выканаўчы камітэт
Аддзел ідэалагічнай работы, культуры і па справах моладзі
210010, г. Віцебск, вул. Гогаля, 6
Глыбоцкі раённы выканаўчы камітэт
Аддзел ідэалагічнай работы і па справах моладзі
211800, Віцебская вобласць, г. Глыбокае, вул. Леніна 42, кабінет № 23
Дыяпазон напрамкаў работы з моладдзю даволі шырокі.
Грамадзянска-патрыятычнае выхаванне з'яўляецца асноватворным у рабоце з моладдзю па фарміраванні ў яе патрыятызму, нацыянальнай самасвядомасці, прававой і палітычнай культуры, развіцця свядомага, адказнага і актыўнага імкнення да ўдзелу ў грамадскім жыцці.
На пастаянным кантролі знаходзяцца пытанні садзейнічання рэалізацыі права моладзі на працу, арганізацыі часовай занятасці моладзі ў вольны ад вучобы час, замацаванні маладых спецыялістаў у раёне.
У мэтах дзяржаўнай падтрымкі адоранай і таленавітай моладзі, а таксама выяўлення таленавітай моладзі, стварэння ўмоў для прафесійнага станаўлення і развіцця творчых здольнасцей, прыцягнення да інтэлектуальных відаў дзейнасці праводзяцца шматлікія фестывалі, конкурсы, круглыя сталы, канферэнцыі, сустрэчы, рэалізуюцца шматлікія праекты.
Садзейнічанне фарміраванню здаровага ладу жыцця, папярэджанне п'янства, наркаманіі, правапарушэнняў у моладзевым асяроддзі – з'яўляецца яшчэ адным напрамкам рэалізацыі дзяржаўнай маладзёжнай палітыкі.
Для аказання дзяржаўнай падтрымкі маладым сем'ям робіцца ўпор на прапаганду культуры сямейных адносін, здаровага ладу жыцця, умацаванне сямейных традыцый і сувязі пакаленняў, стварэнне спрыяльных умоў для выхавання дзяцей.
Садзейнічанне рэалізацыі права моладзі на аб'яднанне. Важным напрамкам дзяржаўнай маладзёжнай палітыкі з'яўляецца развіццё сацыяльнай актыўнасці моладзі, грамадзянскай самасвядомасці праз яе ўдзел у дзейнасці маладзёжных і дзіцячых грамадскіх аб'яднанняў.
Адной з ключавых мэт маладзёжнай палітыкі з'яўляецца садзейнічанне развіццю і рэалізацыі маладзёжных грамадска-значных ініцыятыў.
Інфармацыйнае забеспячэнне дзяржаўнай маладзёжнай палітыкі знаходзіць сваё адлюстраванне на старонках раённай газеты «Веснік Глыбоччыны», на сайце раённай газеты, у Telegram "Маладое пакаленне. Глыбокае", ВК "Моладзь Глыбоччыны.