Раённая арганізацыя ГА «БРСМ»

ГЛУБОЦКАЯ РАЁННАЯ АРГАНІЗАЦЫЯ ГА «БРСМ»

vk: https://vk.com/brsm_glubokoe

Instagram: https://www.instagram.com/brsm_glubokoe

Грамадскае аб'яднанне «Беларускі рэспубліканскі саюз моладзі» з'яўляецца правапераемнікам камсамола Беларусі, Саюза моладзі Беларусі, Беларускага патрыятычнага саюза моладзі, Беларускага саюза моладзі. Рашэнне аб яго стварэнні было прынята 6 верасня 2002 г. на аб'яднальным з'ездзе.
Глубокская раённая арганізацыя ГА «БРСМ» дзейнічае на падставе Статута, мае сваю сімволіку.
Членам ГА «БРСМ» можа быць любы грамадзянін Рэспублікі Беларусь, асоба без грамадзянства, а таксама замежныя грамадзяне, якія пастаянна пражываюць у Рэспубліцы Беларусь ва ўзросце ад 14 да 31 года, якія прызнаюць Статут і праграмныя дакументы ГА «БРСМ».
У кожнага з нас ёсць ідэі, задумы, творчыя планы. Рэалізаваць іх можна са сваімі аднадумцамі. Кожны малады чалавек павінен мець магчымасць быць пачутым, абмеркаваць пытанні, якія яго хвалююць, з іншымі зацікаўленымі людзьмі (равеснікамі, прадстаўнікамі старэйшага пакалення, экспертамі, прадстаўнікамі ўлады), даведацца, што ён можа зрабіць для вырашэння існуючых праблем, а таксама атрымаць падтрымку сваіх далейшых дзеянняў.
БРСМ аб'ядноўвае сотні тысяч юнакоў і дзяўчат і гатовы падтрымаць усе крэатыўныя ідэі, дапамагчы рэалізаваць вашы таленты і здольнасці, каб натхненне прынесла плён, а праца – задавальненне і радасць! Калі ты лічыш, што здольны на больш – будзь з намі! Мы – адна каманда! Ад нашых спраў, ідэй і інтарэсаў залежыць заўтрашні дзень арганізацыі. Мы запрашаем у сваю каманду ўсіх, хто хоча зрабіць навакольны свет ярчэй; усіх, у каго шмат займальных ідэй; усіх, хто гатовы да новых уражанняў і адкрыццяў; усіх, хто ўмее марыць і хоча быць карысным.
Сёння БРСМ і кампанія Autоhelp запрашаюць цябе ўключыцца ў сумесную праграму «Маладзёжны білет – твая сацыяльная падтрымка!» Зацікавіліся? Уся інфармацыя на сайце.