Саюз бяспекі

Бяспека пачынаецца з дыялогу: моладзь і ратавальнікі абмеркавалі важныя пытанні бяспекі. Дыялогавая пляцоўка стала нефармальным, але важным крокам да ўмацавання культуры бяспекі.

«Моладзь і МНС: саюз дзеля бяспекі», — менавіта пад такім дэвізам праходзяць дыялогавыя пляцоўкі ратавальнікаў і моладзі Глыбоцкага раёна. Старт дадзены ва Удзелаўскай сярэдняй школе Глыбоцкага раёна, а госцем сустрэчы стаў начальнік Глыбоцкага раённага аддзела па надзвычайных сітуацыях Аляксей Кісель, які стаў для рабят «жывой кнігай».

У фармаце «адкрытага дыялогу» начальнік Глыбоцкага раённага аддзела па НС адказаў на ўсе пытанні, якія цікавілі. З залы паступіла шмат пытанняў, адказы на якія рабяты хацелі пачуць з вуснаў работніка МНС са стажам больш за 20 гадоў: чаму і калі быў зроблены выбар на карысць МНС, аб нестандартных сітуацыях у службе, якое павінна быць хобі ў ратавальніка. Ён займальна рабятам распавёў аб прафесійнай дзейнасці работнікаў МНС, дзе «куецца» кадры ратавальнікаў-прафесіяналаў, аб сваіх марах і што яго прывяло ў гераічнае ведамства.

— У нас няма тыповых стандартных сітуацый, кожны выклік у дзяжурную службу МНС – гэта новая сітуацыя. Кожны дзень — як экзамен, — распавядае Аляксей Кісель.

Сустрэчу працягнула інспектар сектара прапаганды і ўзаемадзеяння з грамадскасцю Дар'я Зайкоўская.

— У юных ратавальнікаў нашай краіны ёсць выдатная традыцыя штогод 14 кастрычніка адзначаць дзень нараджэння любімай грамадскай арганізацыі ратавальнікаў-пажарных. Гэты год не стаў выключэннем, — падкрэсліў работнік МНС.

Яна пазнаёміла рабят з арганізацыяй, расказала аб дзейнасці БДМАСП, аб мерапрыемствах, якія праходзяць пад эгідай БДМАСП.

Напярэдадні святочнага дня — Дзень нараджэння БДМАСП — начальнік аддзела ўручыў падарунак юным ратавальнікам.

БДМАСП — гэта прыклад таго, як моладзь можа быць актыўнай, карыснай і натхняльнай. Гэта рух, які аб'ядноўвае тых, хто гатовы дзейнічаць, вучыцца і абараняць.