Ратавальнікі прышчапляюць дзецям веды аб бяспецы

19 верасня 2023

Навучыць падрастаючае пакаленне правілам бяспечных паводзін і прыцягнуць увагу бацькоў да пытанняў дзіцячай бяспекі – асноўныя задачы рэспубліканскай акцыі «У цэнтры ўвагі дзеці!». Работнікі Глыбоцкага раённага аддзела па надзвычайных сітуацыях сустрэліся з навучэнцамі школ, выхаванцамі дашкольных устаноў і дарослым насельніцтвам, каб у займальнай форме навучыць дзетвару жыццёва важным правілам.

Ратавальнікі расказалі школьнікам аб эфектыўнасці аўтаномных пажарных апавяшчальнікаў, нагадалі правілы бяспечных паводзін дома і на вуліцы, замацавалі навыкі карыстання вогнетушыцелем, а таксама пазнаёмілі дзяцей з мабільным дадаткам «МНС Беларусі: Дапамога побач».

Хлопчыкі і дзяўчынкі з задавальненнем адказвалі на пытанні конкурсаў і віктарын на тэматыку АБЖ, разгадвалі рэбусы і вырашалі сітуацыйныя задачы.

Работнікі МНС пазнаёмілі школьнікаў з прафесіяй ратавальніка, а таксама адказалі на пытанні, якія цікавяць дзяцей, праглядалі навучальныя фільмы, а на памяць аб сустрэчы дзетвара атрымала карысную наглядна-выяўленчую прадукцыю.