Вучэнні на тэрыторыі газазабяспечваючай арганізацыі

25 сакавіка 2022

23 сакавіка 2022 на тэрыторыі газазабяспечваючай арганізацыі прайшлі сумесныя вучэнні па ліквідацыі ўзгарання на транспартным сродку. Па легендзе з-пад капотнай прасторы спецыяльнага аўтамабіля газавай службы пайшоў дым.

Кіроўца не разгубіўся і адразу ж прадпрыняў спробы тушэння ўзгарання пры дапамозе вогнетушыцеля. Таксама ў вучэннях былі задзейнічаны ратавальнікі і медыцынскія работнікі, якія прыбылі на месца своечасова.

Па выніках вучэнняў адпрацаваны дзеянні па ліквідацыі ўмоўных надзвычайных сітуацый, парадак перадачы паведамленняў аб здарэннях, а таксама дзеянні персаналу.

Затым начальнік Глыбокскага раённага аддзела па НС Васіль Завадскі правёў выступленне са супрацоўнікамі арганізацыі, у якім нагадаў асноўныя правілы пажарнай бяспекі на працоўным месцы і алгарытм дзеянняў у выпадку ўзнікнення пажару. Асаблівая ўвага была ўдзелена пытанню недапушчэння выпальвання сухой расліннасці.

У завяршэнні прафілактычнай гутаркі кожны паспрабаваў самастойна патушыць невялікае ўзгаранне пры дапамозе вогнетушыцеля і атрымаў на памяць наглядна-выяўленчую прадукцыю ад МНС.

МНС напамінае, што выпальванне сухой расліннасці, пажніўных рэшткаў, травы катэгарычна забаронена. За парушэнне гэтых патрабаванняў прадугледжана адміністрацыйная адказнасць.