У Глыбокім прайшло пасяджэнне прэзідыума Глыбоцкага раённага Савета дэпутатаў

Галоўным у парадку дня было пытанне «Аб выкананні рэгіянальнага комплексу мерапрыемстваў па рэалізацыі ў 2024 годзе падпраграмы «Маркетынг турыстычных паслуг» Дзяржаўнай праграмы «Беларусь гасцінная» на 2021-2025 гады.

У рабочым пасяджэнні прынялі ўдзел члены Прэзідыума – першы намеснік старшыні райвыканкама – начальнік упраўлення сельскай гаспадаркі і харчавання Аляксей Абрамчык, намеснікі старшыні райвыканкама Таццяна Тарасевіч і Алена Шалонька, дырэктар Дзвінскай эксперыментальнай лясной базы Інстытута лесу НАН Беларусі Эдуард Длужнеўскі, старшыня Пліскага сельвыканкама Васіль Пліска, прадстаўнікі санаторна-курортнага комплексу «Пліса», ТУП «Камянецкая Н. А.», Глыбоцкага доследнага лясгаса, УП ЖКГ Глыбоцкага раёна, спецыялісты сектара спорту і турызму райвыканкама.

З дакладам па галоўным пытанні выступіла загадчыца сектара спорту і турызму райвыканкама Таццяна Зевалiч. Яна адзначыла, што ўдзельная вага турыстычных паслуг Глыбоччыны ў агульным аб'ёме экспарту турыстычных паслуг вобласці складае 25,1%. Тэмп росту экспарту ў мінулым годзе да 2022 года склаў 128,5% пры заданні 120%. У раёне ў 2024 годзе праведзена 14 падзейных мерапрыемстваў пры шасці запланаваных.

Аб рабоце па арганізацыі адпачынку і аздараўлення, аб выкананні прагнозных паказчыкаў распавялі прадстаўнік адміністрацыі санаторна-курортнага комплексу «Пліса» Андрэй Карандзей, дырэктар ТУП «Камянецкая Н.А», якое аб'ядноўвае гасцініцы «Арола», «Ольгас» і «Глыбокае» Наталля Камянецкая, дырэктар УП ЖКГ Глыбоцкага раёна Дзмітрый Лежневіч, дырэктар Глыбоцкага доследнага лясгаса Аляксандр Сырапятка і дырэктар Дзвінскай эксперыментальнай лясной базы Інстытута лесу НАН Беларусі Эдуард Длужнеўскі.

– Спецыялісты турыстычнай галіны Глыбоччыны і прадпрыемствы раёна, якія сумесна развіваюць розныя напрамкі турызму ў залежнасці ад сферы дзейнасці, разумеюць, што развіваючы турызм, вы развіваеце эканоміку рэгіёна. Глыбоцкі раён па выкананні паказчыкаў лепшы ў вобласці, таму што ў вас моцная каманда спецыялістаў і кампетэнтнае ўзаемадзеянне. Не зніжайце працоўных тэмпаў. Развівайце сістэму турыстычнага гасціннасці, прадстаўляйце новыя паслугі. Працуйце над дыверсіфікацыяй экспарту турыстычных паслуг і нарошчваннем іх аб'ёмаў. Прасоўвайце турыстычны прадукт рэгіёна на ўнутраным і знешнім рынках. Удасканальвайце матэрыяльна-тэхнічную базу турыстычных аб'ектаў з прыцягненнем на гэтыя мэты інвестыцый, – падводзячы вынікі работы, паставіла новыя задачы і мэты Святлана Астаніна.