У Глыбокім прайшло пасяджэнне раённага выканаўчага камітэта пад кіраўніцтвам старшыні райвыканкама Пятра Белуся.

На пасяджэнні раённага выканаўчага камітэта разгледзелі выкананне мэтавых паказчыкаў Дзяржаўнай праграмы "Здароўе народа і дэмаграфічная бяспека Рэспублікі Беларусь" на 2021–2025 гады.

З дакладам выступіў в.а. галоўнага ўрача Глыбоцкай цэнтральнай раённай бальніцы Вячаслаў Сабыніч. Ён прадставіў дэтальны аналіз ключавых індыкатараў праграмы за справаздачны перыяд, расказаў пра дасягнутыя вынікі і абазначыў праблемныя зоны, якія патрабуюць асаблівай увагі.

Па выніках абмеркавання старшыня райвыканкама Пётр Белусь даў канкрэтныя даручэнні па ліквідацыі выяўленых недахопаў і павышэнні эфектыўнасці рэалізацыі праграмы ў раёне.

На пасяджэнні райвыканкама асаблівую ўвагу надалі пытанню "Аб стане работы суб'ектаў прафілактыкі па папярэджанні дзіцячага траўматызму".

З дакладам выступіла намеснік старшыні райвыканкама Таццяна Тарасевіч, якая падрабязна прааналізавала бягучую сітуацыю: прывяла статыстыку па колькасці выпадкаў дзіцячага траўматызму, агучыла прычыны і абазначыла канкрэтныя прыклады.

Акцэнт быў зроблены на неабходнасці ўзмацнення ўзаемадзеяння ўсіх прафілактычных структур – ад устаноў адукацыі да праваахоўных органаў – для забеспячэння бяспекі дзяцей у любую пару года і ў любых умовах.