У Глыбоцкім гарадскім доме культуры прайшлі святочныя мерапрыемствы, прысвечаныя Раству Хрыстову

У Глыбокім стала добрай традыцыяй збірацца 7 студзеня ў гонар Ражджаства Хрыстовага ў гарадскім Доме культуры на ранішнік выхаванцаў нядзельнай школы пры саборы Ражджаства Прасвятой Багародзіцы.

Дзеці з радасцю чыталі вершы пра свята Ражджаства Хрыстовага, са сцэны гучалі песні, дзеці танцавалі, разыгрывалі сцэнкі.

Свята атрымалася незвычайна цёплым і кранальным, дзяўчынкі і хлопчыкі – прыбраныя і прыгожыя, як маленькія анёлачкі, нягледзячы на хваляванне, выступілі вельмі добра.

Настаяцель царквы протаіерэй Сергій Грамыка павіншаваў дзяцей, педагогаў і гасцей з Ражджаством Хрыстовым.

Калядны абрад «Каляды» «Прыйшлі святы, гаданні ды калядкі», які стаў ужо добрай традыцыяй, прайшоў святочным вечарам 7 студзеня ў Глыбоцкім гарадскім доме культуры.

Светлае свята Ражджаства ўсяляе ў чалавечыя душы дабро і радасць, пяшчоту і супакаенне.

Усе гэтыя пачуцці выпрабавалі гледачы каляднай праграмы.

Выступленне атрымалася вельмі яркім і запамінальным.