У Глыбоцкім райвыканкаме ўшанавалі работнікаў сацыяльнай абароны

5 студзеня ў Беларусі адзначаецца прафесійнае свята работнікаў сацыяльнай абароны – тых, хто штодня клапоціцца аб дабрабыце грамадзян і падтрымлівае сацыяльную стабільнасць. У Глыбоцкім раёне ў гэты знамянальны дзень прайшло ўшанаванне спецыялістаў, чыя праца накіравана на забеспячэнне сацыяльнай справядлівасці і падтрымку найбольш уразлівых катэгорый насельніцтва.

З цёплымі словамі падзякі да калектыву ўпраўлення па працы, занятасці і сацыяльнай абароне, а таксама тэрытарыяльнага цэнтра сацыяльнага абслугоўвання насельніцтва звярнуліся старшыня Глыбоцкага райвыканкама Пётр Белусь і старшыня раённага Савета дэпутатаў Вера Целіца.

Пётр Казіміравіч падкрэсліў: «Вы – людзі з вялікім сэрцам, якія ўвасабляюць у жыццё сацыяльныя гарантыі дзяржавы. Ваша праца наўпрост уплывае на лёсы пажылых людзей, шматдзетных сем'яў, асоб з інваліднасцю і іншых, хто мае патрэбу ў асаблівай клопаце».

Вера Міхайлаўна дадала: «Ваша прафесія – сапраўднае прызванне. Вы стаіце на перадавой сацыяльнай падтрымкі, дапамагаючы тым, хто шукае апору і разуменне. Дзякуем вам за адданасць справе і высокі прафесіяналізм!»

У завяршэнне сустрэчы адбылася ўрачыстая цырымонія ўзнагароджання супрацоўнікаў за добрасумленную працу і значны ўклад у развіццё сацыяльнай сферы раёна.